1-ci sinfə qəbul üzrə elektron qeydiyyat başlayıb

09-07-2015 / 11:43

Xüsusi istedada malik uşaqların vaxtından əvvəl I sinfə qəbulu ilə bağlı elektron qeydiyyat başlanılıb.

Təhsil naziri Mikayıl Cabbarovun “Xüsusi istedada malik uşaqların vaxtından əvvəl I sinfə qəbulu Qaydaları”nın təsdiqi barədə əmrinin tələblərinə müvafiq olaraq Bakı şəhərində yerləşən və Bakı şəhər Təhsil İdarəsinin tabeliyində olan məktəblərdə 6 yaşı cari ilin sentyabrın 16-dan dekabrın 31-dək tamam olan uşaqların I sinfə qəbulu məqsədilə 2015-ci il iyulun 1-dən etibarən elektron qeydiyyat başlanılıb.

Bu barədə Bakı şəhər Təhsil İdarəsinin İnformasiya təminatı sektorunun müdiri Dürdanə Əhədova Xeberler.az-a bildirib.

O vurğulayıb ki, istedadlı uşaqların müsabiqədə iştirakı üçün qeydiyyat mektebeqebul.edu.az saytında aparılır və iyul ayının 31-dək davam edəcək.

Qurum rəsmisinin Xeberler.az-a bildirdiyinə görə, xüsusi istedada malik uşaqların vaxtından əvvəl I sinfə qəbulu üzrə müsahibələr Bakı şəhəri 42 nömrəli tam orta məktəbdə aparılacaq.

Qeyd edək ki, məktəbə qəbul üçün avqustun 15-dən etibarən valideynlər müvafiq sənədləri təqdim etməklə seçdikləri məktəbdə fəaliyyət göstərən işçi qrupuna müraciət etməlidirlər.

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə