19 mart hərracı: 11 dövlət əmlakına 14 sifariş verildi

19-03-2019 / 14:31

Əmlak Məsələləri Dövlət Komitəsi tərəfindən 19 mart tarixində dövlət əmlaklarının özəlləşdirilməsi üzrə növbəti hərrac keçirildi. Özəlləşdirmə hərracında 11 dövlət əmlakı üzrə 14 sifarişçi iştirak etdi. 

Xeberler.az  bildirir ki, bu dövlət əmlaklarından biri Şamaxı rayonu, Şəhriyar qəsəbəsindəki "Şamaxı Dəmir Beton" səhmdar cəmiyyətidir. Dövlət əmlakının nizamnamə kapitalındakı səhmlərinin 30%-i həcmində səhm paketi iştirakçı tərəfindən özəlləşdirildi. Dəmir-beton məmulatlarının istehsalı üzrə fəaliyyət göstərən dövlət müəssisəsinin ərazisinə sement anbarı, armatur, beton və digər materialları hazırlayan sexlər aiddir. Hərracda özəlləşdirilən kiçik dövlət müəssisələrinə Şamaxıdakı Qaleybuğurd Yardımçı Kənd Təsərrüfatı, Şirvan şəhərindəki Mexanizasiya Sahəsi və digər dövlət obyektləri aiddir.

Qeyd edək ki, bu dövlət əmlakları torpaq sahələri ilə birgə özəlləşdirildi. Mingəçevir şəhəri, Gəncə şosesindəki kiçik dövlət müəssisəsinin ümumi faydalı sahəsi 203.4 kv.m-dir. Adıçəkilən dövlət əmlakı müxtəlif xidmət sahələri üzrə investora gəlir qazandıra bilər. Qeyri-yaşayış sahələri isə paytaxtda və Daşkəsən şəhərində yerləşir. Xətai rayonu, Neapol küçəsindəki bu növ dövlət obyektinin ümumi faydalı sahəsi 133.8 kv.m-dir. Daşkəsən şəhəri, Mədənçilər qəsəbəsindəki qeyri-yaşayış sahəsinin isə ümumi faydalı sahəsi 43.7 kv.m-dir. Özəlləşən nəqliyyat vasitələrindən birinin buraxılış tarixi 2007-ci ildir. QAZ-3102 markalı bu avtomobilə ümumilikdə 4 sifariş verilmişdir.

Qeyd edək ki, komitə tərəfindən növbəti hərrac 27 mart tarixində keçiriləcək. Hərraca ümumilikdə 96 dövlət əmlakı çıxarılıb. Bu dövlət əmlaklarından 57-si kiçik dövlət müəssisə və obyekti, 23-ü səhmdar cəmiyyəti, 14-ü qeyri-yaşayış sahəsi, 2-si isə yarımçıq tikilidir. Özəlləşməyə çıxarılan dövlət əmlakları ilə tanış olmaq və sifariş vermək istəyən şəxslər komitənin rəsmi saytı (emdk.gov.az) və Özəlləşdirmə portalına (privatization.az) daxil ola bilər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.