4 mindən çox İT mütəxəssisə təlim keçilib

28-07-2015 / 11:06

Cisco Expo Learning Club təhsil layihəsi çərçivəsində CiscoWebEx texnologiyası vasitəsilə yeddi texnoloji istiqamət üzrə 34 vebinar və seminar təşkil olunub.

Xeberler.az-a verilən məlumata görə, MDB-nin müxtəlif ölkələrini təmsil edən 4130 İT mütəxəssis və rəhbər texnoloji biliklərini artırmaq üçün tədbirdə iştirak edib.

Mart ayından başlayaraq iyul ayınadək seminar iştirakçıları əşyaların interneti, rabitə operatorları üçün Cisco həlləri, simsiz şəbəkələr, informasiya təhlükəsizliyi, birgə iş üçün texnologiyalar, korporativ şəbəkələr infrastrukturu, verilənlərin emalı mərkəzləri üzrə biliklərə yiyələniblər.

Cisco Expo Learning Club layihəsinin yaz mövsümünü fərqləndirən xüsusiyyət tədbirlərin yeni "tektorial" formatında keçirilməsidir.

Bundan əlavə, ötən sezonda fiziki iştiraketmə effektli videoəlaqəni təmin edə bilən CiscoTelePresence sisteminin yardımı  ilə verilənlərin emalı mərkəzlərinə həsr edilmiş bir neçə seminar da keçirilib.

"Hazırda Cisco Expo Learning Club layihəsinə qoşulanların sayı 19 mini keçir" , bunu Cisco Expo Learning Club proqramının əlaqələndiricisi Nataliya Nikiforenko qeyd edib.

Cisco Expo Learning Club təhsil layihəsinin yaz mövsümünün materialları səhifəsində yerləşdirilib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə