4G çiplərin qiyməti endiriləcək

28-07-2015 / 10:59

Smartfonlara ümumi tələbatın azalması şəraitində bu qurğuları dördüncü nəsil mobil rabitəsi (LTE) ilə təmin edən çiplərin qiyməti ucuzlaşır.

Xəbərlər RYTN-nin rəsmi saytına istinadən bildirir ki, bu tendensiya barədə DigiTimes nəşri məlumat verib.

2015-ci ilin əvvəlində mobil 4G mikrosxemlərinin qiyməti təxminən 40 faiz enib. İkinci yarımillikdə onların qiyməti azalmaqda davam edəcək, ilin yekunları üzrə yarıbayarı aşağı düşəcək.

LTE çiplərinin sürətlə ucuzlaşması yarımkeçiricilər sahəsinin bu seqmentində rəqabətin intensivliyindən xəbər verir. Müqayisə üçün qeyd edək ki, 3G rabitəsi üçün çiplərin qiymətinin 50 faiz azalmasına iki ildən çox, 2G üçün 3-4 il vaxt lazım olub.

Android mobil əməliyyat sisteminin idarəetməsi ilə işləyən orta və yüksəksəviyyəli smartfonların satışının zəif olmasına görə Qualcomm və MediaTek kimi iri yarımkeçirici istehsalçıları yeni sifarişləri cəlb etmək üçün məhsulların qiymətlərini azaltmaq məcburiyyəti ilə üzləşib.

Bundan başqa, Çində və inkişaf etməkdə olan ölkələrdə smartfonların satışını azaldan dolların yüksək məzənnəsi ikinci rübdə qiymətlərin aşağı düşməsini sürətləndirən 4G mikrosxem istehsalçılarının biznesinə böyük təsir göstərib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə