SOSİAL MEDIA

Sosial şəbəkə və mikrobloq olan Twitter-i 2006-cı ildə Jack Dorsey yaradıb.

Bu gün Twitter istifadəçiləri 140 simvoldan ibarət tvit yazmaqla fikirlərini dostları ilə bölüşürlər. 9 ildir ki, fəaliyyət göstərən Twitter–də bu günə kimi bir çox dəyişikliklər olub.

Xeberler.az bu illər ərzində Twitter–də olan dəyişiklikləri araşdırıb.

2006-cı ildə Twitter yarananda  ilk versiyasında "izləyicilər", "dostlar" və "yeniliklər" bölməsi mövcud olub.  Bu versiyada sadəcə 140 simvol mətn yazmaq, dostlarının tvitlərini görmək mümkün idi.

2007-ci ildə Twitter böyük dəyişikliklərə imza atıb. Həmin vaxt artıq "dostlar" bölməsi  "izlədiklərim" olaraq dəyişdirildi və  bəyəndiyiniz tvitləri seçmək üçün "sevimlilər" bölməsi yaradıldı. Bundan əlavə, Twitter-də artıq şəxsi mesaj yazmaq da olurdu.

2008-ci ildə isə Twitter-də məşhurların hesabları açıldı. Bu isə Twitter-in  əhəmiyyətli sosial şəbəkə olduğunu sübut etdi.

2009-cu ildə Twitter-in ana səhifəsində gündəmdə olan insan və həştəqləri görmək mümkün idi.

2010-cu ildə "siyahılar" bölməsi yaradılır. Bölmə müəyyən qrup insanları bir yerdə toplayır.

2011-ci ildə mətn yazılarından əlavə tvitlərdə  də şəkil paylaşılırdı.

2012-ci ildə Twitter-in dizaynında böyük dəyişikliklər olur.

2013-cü ildə Twitter-də paylaşdığınız video və şəkilləri asan görməyiniz üçün ayrıca bölmə yaradılır.

2014-cü ildə sosial şəbəkənin dizaynı hazırdakı  dizayna bənzəyir. "İzləyici"siyahınıza baxdıqda onun haqqında qısa informasiyanı dərhal görmək mümkün idi.

2015-ci ildə sosial şəbəkənin  yuxarı paneldə müəyyən dəyişikliklər edilib.

Twitter-in loqosu olan quş isə formasını 9 ildə bir neçə dəfə dəyişib.

Sevinc Əsədova