İKT TƏHSİL

ADA Universitetində Big Data Tədqiqat Mərkəzi fəaliyyətə başlayıb.

Xeberler.az bildirir ki, ADA Universitetində Big Data-nın təhlili və data elmi üzrə yeni magistr dərəcəsi prpoqramı da fəaliyyətə başlayacaq.

Məlumata görə, bu da ölkənin data mütəxəssislərinə və Big Dat üzrə analitiklərə olan qarşılanmasına xidmət edəcək. Mərkəz həmçinin daha geniş təsirə malik olacaq. O, dövlət təşkilatları və özəl sektorun təmsilçiləri üçün açıq olacaq və onlara öz resurslarından istifadə imkanı yaradacaq.

Layihənin başlamasından ötən bir il ərzində data təhlili üzrə kitabxana yaradılıb, aparat və proqram təminatı daxil olmaqla bütün avadanlıqlar və resurslar, 30 iş terminalı quraşdırılıb, işçi heyətinə təlim keçirilib. Hazırda Mərkəz fəaliyyət göstərməyə tam hazırdır.

Bu bir illik layihə 2016-cı ilin oktyabr ayında başlayıb və ADA Universiteti tərəfindən həyata keçirilir. Layihənin dəyəri 410 min dollar təşkil edir.

Mərkəzin açılışına həsr edilmiş tədbirdə çıxış edən ADA Universitetinin rektoru, professor Hafiz Paşayev bildirib ki, Mərkəzin yaradılması ölkənin akademik cəmiyyəti üçün çox vacibdir.

BP-nin Azərbaycan, Gürcüstan və Türkiyə üzrə regional prezidenti Qari Cons bildirib ki, Mərkəz bu sahə üzrə peşəkar mütəxəsssislərin yetişdirilməsinə təkan verəcək.

Mərkəz BP şirkəti və onun Azəri-Çıraq-Günəşli, Bakı-Tbilisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşlarıının dəstəyi ilə yaradılıb. 

Xeberler.az