"Son dövrlərdə ölkədə ciddi islahatlar aparılır. Prezident tərəfindən ölkədə dayanıqlı informasiya infrastrukturunun qurulması və innovasiyaların inkişafı ilə bağlı ciddi mesajlar verilib və rəsmi sənədlər qəbul edilib. Amma hərdən mənə elə gəlir ki, təhlükəsizliyə, informasiya və innovasiyalar sahəsində milli maraqlarımıza nəzarət edən bəzi dövlət qurumlarımızın deyəsən ölkədə baş verənlərdən ümumiyyətlə xəbəri yoxdur. İndi məlum olur ki, son 1 il ərzində NRYTN- in yalnız bir qurumu, AzTelekom 1 500 000 manat dəyərində Huawei avadanlığı alıb. Məqsəd, qəribə görünsə də regionlarda ADSL texnologiya ilə interneti inkişaf etdirməkdir. Bununla təxminən 60 000 ADSL müştəriyə mis məftil üzərindən internet xidməti göstərilməsi nəzərdə tutulub. Digər özəl provayderlərdən “oğurlanan” müştərilər bu saya daxil deyil. Son dövrlərdə baş verən “müştəri oğurluğu” və küçələrdə ONU ATS-lərinin quraşdırılması proseslərindən belə anlamaq olar ki artıq regional internet infrastrukturumuz Huawei üzərində “oturdulur”
Xeberler.az məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bundan başqa ADSL-nin artıq bütün dünyada istehsalatdan və istismardan çıxarıldığını vurğulayıb:
Proses də davam edir. ADSL artıq bütün dünyada istehsalatdan və istismardan çıxarılıb. Huawei ilə bağlı məsələ də məlumdur. Belə olan halda mən Prezident Administrasiyasının innovasiyalar qurumuna, XDMX –ya və hökumətə müraciət edirəm: NRYTN-nin, AzTelekom dövlət qurumunun atdığı addımlar informasiya və innovasiyaların inkişafı sahəsində milli maraqlarımıza uyğundurmu? Bütün bunlar son dövrlərdə Prezident tərəfindən imzalanan strateji sənədlərlə nə dərəcədə uzlaşır?
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri