AİF Delta Telekom şirkətinin rəhbərliyinə müraciət edib.

12-10-2012 / 11:13
Müraciətdə Delta Telekom şirkətinin Provayderlərə satdığı İnternet trafikin hər an dəyişilməsini onlayn olaraq izləməyə imkan verən xidmətin aktivləşdirilməsi xahiş olunub.

Xəbər verildiyi kimi ölkədə 2-ci bakbone Provayderi fəaliyyətə başlayandan sonra Milli operator olan Delta Telekom şirkəti kommersiya məqsədləri baxımından bu xidmətin onlayn fəaliyyətini dayandırıb. Eyni zamanda hər bir Provayderin ATS-in imkanlarından istifadə etməklə İnternetə qoşulan müştərilərinin sayının açıqlanması ilə bağlı AİF-in bir müddət əvvəlki Müraciəti RİTN tərəfindən təmin olunmayıb və keyfiyyətə nəzarətlə bağlı alternativlər təqdim edilməyib.

AİF-in Delta Telekom şirkətinə Müraciətində qeyd olunur ki, bütün bunların nəticəsi olaraq son mənzillərə təklif olunan İnternet xidmətinin keyfiyyəti aşağı düşməkdə davam edir. İctimai nəzarət imkanlarının və dövlət nəzarətinin yetərli olmadığı şəraitdə xidmətin keyfiyyət səviyyəsi daha pis vəziyyətə çatıb. İstifadəçilər Müqavilədə nəzərdə tutulan sürəti əldə edə bilmirlər.

Müraciətdə qeyd olunub ki, istifadəçilərin “çəkidə aldadılmasının” bir səbəbi infrastruktur problemləri ilə bağlıdırsa, eyni zamanda və əsasən də Provayderlərin məsuliyyətsizliyi ilə bağlıdır. Əksər Provayderlər aldıqları az trafiki daha çox müştərilər arasında bölməyə çalışırlar ki, nəticədə də son istifadəçi keyfiyyətsiz İnternet əldə edir.

AİF-in Müraciətində bildirilib ki, Delta Telekom tərəfindən Provayderlərə satılan İnternet trafikin açıqlanması nəinki ictimai nəzarət imkanlarını genişləndirir, həmçinin dövlət qurumlarının da daha effektiv nəzarətinə imkan yaradır.

Müraciətdə qeyd olunub ki, Delta Telekom tərəfindən bu addımın atılması sonda ölkədə İnternetin keyfiyyətinin yüksəlməsinə, şəffaf  İnternet bazarının formalaşmasına, sərbəst və azad rəqabətin güclənməsinə və Provayderlərin məsuliyyətinin artmasına gətirib çıxaracaq.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə