AMEA Rəyasət Heyətində əməkdaşların kompüter avadanlıqları ilə təminatı 100 faizə çatdırılıb

22-04-2014 / 10:38
Ölkə səviyyəsində İKT-yə böyük diqqət, həmçinin Azərbaycan Milli Elmlər Akademiyasında (AMEA) aparılan islahatlar  “Elektron Azərbaycan”ın tərkib hissəsi kimi elektron elmin formalaşması və inkişafına zəmin yaradıb.
 
Bu gün AMEA-da e-elmin elmi-nəzəri əsasları tədqiq olunur, onun şəbəkə platforması olan “AzScienceNet” elm kompüter şəbəkəsinin infrastrukturu inkişaf etdirilir, elmi qurumların beynəlxalq elmi şəbəkələrlə inteqrasiyası işləri davam etdirilir.
 
 
Bu barədə AMEA-nın akademik-katibi, AMEA-nın müxbir üzvü Rasim Əliquliyev Azərbaycan Milli Elmlər Akademiyası (AMEA) Rəyasət Heyətinin 2013-cü ildəki elmi və elmi-təşkilati fəaliyyətinə həsr olunmuş ümumi yığıncağında məlumat verib.
 
AMEA rəsmisi qeyd edib ki, 2013-cü ilin ölkədə “İKT ili” elan olunması ilə əlaqədar Elmlər Akademiyasında kompleks tədbirlər həyata keçirilib. Rabitə və Yüksək Texnologiyalar Nazirliyinin dəstəyi ilə 36 km-ə yaxın fiber-optik kabel çəkilib və bunun da nəticəsində elmi müəssisələrin 88%-nin fiber-optik xətlər vasitəsilə internetə qoşulması təmin edilib:
 
“İKT ili çərçivəsində Rəyasət Heyətinin informasiyalaşdırılması istiqamətində də zəruri işlər görülüb: əməkdaşların kompüter avadanlıqları ilə təminatı 100 faizə çatdırılıb. Əvvəlki ildə isə bu göstərici 37 faiz təşkil edirdi”. (ICTnews)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.