Amerikalılar indiyədək xəbərlər mənbəyi kimi televizora üstünlük verirlər

18-08-2008 / 05:56
ABŞ əhalisi üçün indiyədək əsas xəbərlər mənbəyi televizordur. Bu barədə Pew Research Center şirkətinin dünən dərc olunmuş araşdırmasında deyilir. Pew Research Center şirkətinin keçirdiyi sorğuda iştirak etmiş respondentlərin 46% bəyan ediblər ki, son xəbərlərdən məlumat almaq üçün televizordan istifadə edirlər. Sorğunun nəticələrinə görə, televiziya xəbərlərinə üstünlük verən insanların əksəriyyəti kabel kanallarından istifadə edir. Bu qrup respondentlərin orta yaş səviyyəsi 52 yaşdır və onların əksər hissəsinin təhsil səviyyəsi aşağıdır. Bu insanları əsasən elm və texnika haqqında xəbərlər yox, hava proqnozu maraqlandırır.

Respondentlərin 13% xəbərlər mənbəyi kimi internetdən istifadə edir. Bununla yanaşı bu qrup insanların təxminən yarısı həmçinin televiziya xəbərlərini izlədiklərini bildiriblər. 35 orta yaş səviyyəli bu insanların 80%-nin ali təhsili var və onları əsasən texnologiyalar haqqında xəbərlər və siyasi bloqlar maraqlandırır.

Pew Research Center şirkətinin sorğusunda iştirak edən amerikalıların 34% qəzet xəbərlərinə üstünlük verirlər. Qeyd edək ki təxminən iki il bundan əvvəl bu göstərici 40% olmuşdur. Bununla yanaşı həmin dövr ərzində ABŞ-da qəzetlərin saytına daxil olan istifadəçilərin sayı 18%-dən 25%-dək artıb.

Sorğu iştirakçılarının 23% xəbərlər mənbəyi kimi həm ənənəvi KİV, həm də İnternetdən istifadə etdiklərini bildiriblər, Lenta yazır.

Araşdırmanın müəllifləri qeyd edirlər ki, televiziya xəbərləri izləyicilərinin sayı son illər ərzində demək olar ki dəyişməyib. On-layn xəbərlər mənbələrin populyarlığının artması çap KİV-lərinin auditoriya sayına təsir göstərsə də, televiziya tamaşaçıların sayı bunun nəticəsində azalmır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə