App Store proqramçıları 50 milyard dollar qazanıb

14-06-2016 / 10:44

Dünən Apple şirkəti 27-ci dəfə proqram tərtibatçılarının illik ümumdünya konfransı (Worldwide Developers Conference, WWDC) təşkil edib.

Xeberler.az xarici mətbuata istinadən məlumat verir ki, bir çox yeni proqramlarını tanıdan şirkət konfransda Apple-ın proqramlaşdırma sektoru və App Store-a aid statistik məlumatlar da paylaşıb.

WWDC 2016-da açılış nitqi edən Tim Cook-un verdiyi məlumata görə, Apple ekosistemində indiyə qədər 13 milyon proqramçı qeydiyyatdan keçib.

WWDC tədbirlərində 74 ölkədən 5 mindən çox iştirakçı qəbul etdiklərini vurğulayan  Apple-ın CEO-su iştirakçıların 72 faizinin yeni adlardan ibarət olduğunu deyib.

Onun sözlərinə görə, Apple proqramçıları 2 milyon tətbiq hazırlayıb və  50 milyard dollar qazanıb.

Tim Cook App Store-a aid tətbiq və yükləmə rəqəmlərini də paylaşıb.

Onun sözlərinə görə, App Store-un 8-ci ilində tətbiq sayı 2 milyonu keçib,  tətbiqlərin yükləmə sayı isə 130 milyarddan çox olub.

Proqramçılara ödənilən pulun da 50 milyardı keçdiyini xatırladan CEO bu ilin yanvarında Apple-ın proqramçılara 40 milyard dollar ödədiyini deyib.

WWDC-13-də bu rəqəm 10 milyard  dollar idi.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.