Bakcell şirkəti AppLab proqramında iştirak etmək üçün müraciətlərin qeydiyyatını başa çatdırıb.
2017-ci ilin 15 dekabr tarixindən 15 yanvar 2018-ci il tarixinə qədər davam etmiş növbəti qeydiyyat mərhələsində “müxtəlif İT” və “mobil əlavələr” kateqoriyalarına aid 32 layihə proqramda iştirak üçün müraciət edib.
Bu barədə Xeberler.az-a şirkətdən məlumat verilib.
İlkin seçim mərhələsindən keçən konsepsiyaların müəllifləri Bakcell şirkətinin rəhbərliyi, potensial investorlar, AppLab proqramının məzunları və İT sahəsi üzrə ekspertlərdən ibarət AppLabKomissiyasının qarşısında öz ideyalarını təqdim etmək üçün dəvət olunacaq.
Həmin komitənin qərarına əsasən, ən uğurlu layihələrin müəllifləri AppLab İnkubasiya Mərkəzinin geniş imkanlarından istifadə etmək imkanı qazanacaq.
Qeyd edək ki, 2018-ci ilin fevral ayından başlayaraq seçilmiş komandalar AppLab İnkubasiya Mərkəzində təqdim olunan pulsuz İnternet, masa və təlim otaqları ilə yanaşı üzərində işlədikləri proqram təminatı və cihazların inkişaf etdirilməsi və sınaqlardan keçirilməsi üçün tələb olunan ən son avadanlıqlardan yararlana biləcəklər.
Bakcell-in və AppLab proqramının digər partnyorlarının nümayəndələrindən ibarət olan xüsusi ekspertlər qrupu gənc developerləri öz ideyalarını yerli və beynəlxalq bazarlarında rəqabət apara biləcək yeni məhsul və ya xidmətlərinə çevirmək üçün tələb olunan araşdırma və məsləhətlərlə təmin edəcək.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri