Cənubi Koreyanın Busan şəhər Apelyasiya Məhkəməsi iPhone smartfon istifadəçilərinə qurğunun geolokasiya məlumatları toplamasına görə kompensasiyanın ödənilməsi ilə bağlı qaldırılan iddianı rədd edib.
Xeberler.az xarici mətbuata istinadən bildirir ki, iddiaçılar iPhone smartfon istehsalçısı olan ABŞ-ın Apple şirkətindən 1 milyon von (880 dollar) məbləğində kompensasiya tələb ediblər.
“Məlumatların toplanması zamanı fərdi məlumatların sızması baş verməyib, buna görə də kompensasiya ilə bağlı tələb əsassızdır”, - məhkəmənin qərarında deyilir.
2011-ci ildə Koreya Respublikasının Kommunikasiyalar üzrə Komissiyası Apple şirkətinin fərdi məlumatların mühafizəsi, o cümlədən istifadəçinin olduğu yer haqqında informasiyalar ilə bağlı milli qanunvericiliyi pozmasına görə cərimə ödəməsi ilə bağlı qərar çıxarıb. Bundan sonra 28 min koreyalı məhkəməyə kompensasiyanın ödənilməsinə görə müraciət edib. Birinci instansiya məhkəməsi ABŞ şirkətinin xeyrinə qərar çıxardıqdan sonra 299 nəfər apelyasiya şikayəti verib.
Kommunikasiyalar üzrə komissiya bir müddət əvvəl bəyan edib ki, iPhone smartfonları istifadəçi geolokasiya funksiyasını söndürsə belə onun olduğu yer barədə məlumat toplayır. Cənubi Koreya qanunlarında bunun üçün abunəçinin razılığı tələb olunur.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri