“ASAN arayış” sistemi yaradıla bilər

01-05-2018 / 14:17

Mayın 3-də Vətəndaşlara Xidmət və Sosial İnnovasiyalar üzrə (VXSİ) Dövlət Agentliyi yanında Elektron Xidmətlərin Təşviqi üzrə İctimai Şuranın növbəti iclası keçiriləcək.

Xeberler.az-ın məlumatına görə, toplantıda dövlət orqanlarında vətəndaşlardan kağız formada müxtəlif arayışlar tələb edilməsinin qarşısını almaq üçün təkliflərin hazırlanması nəzərdə tutulur.

Bu məqsədlə elektron hökumət portalı üzərindən “ASAN arayış” sisteminin yaradılması təklif olunur.

Toplantıda bununla bağlı müzakirələrin aparılması, müvafiq təkliflərin hazırlanması və VXSİ Dövlət Agentliyinə təqdim edilməsi nəzərdə tutulub.

Toplantıda həmçinin rəqəmsal hökumətə keçidlə bağlı bir müddət öncə prezident tərəfindən imzalan fərmanda nəzərdə tutulan “Rəqəmsal hökümətə keçid üzrə Fəaliyyət Planı”nın hazırlanması və “Elektron hökumətin İnkişafı Mərkəzi” Publik qurumun formalaşması ilə bağlı fikir mübadiləsinin aparılması da planlaşdırılır.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə