Asan imza ağıllı texnologiyalar həftəsində təqdim edilib

17-09-2015 / 11:43

Asan İmza mobil imza xidməti 15-17 sentyabr tarixlərində Fransanın Marsel şəhərində baş tutmuş və elektron/mobil identitet, ünsiyyətsiz xidmətlər, ağıllı infrastruktur həlləri və kibertəhlükəsizlik mövzularına həsr edilmiş dünya üzrə ən nüfuzlu tədbirlərdən birində - World Smart Week 2015 həftəsində təmsil edilib.

B.EST Solutions şirkətindən Xeberler.az-a verilən məlumata görə, tədbirin keçirildiyi üç gün ərzində qlobal IT sənayesinin nümayəndələri əşyaların interneti (Internet of Things), maşınlararası kommunikasiya (M2M), elektron mühitdə təhlükəsizlik, ünsiyyətsiz texnologiyalar və digər sahələrdə mövcud olan innovativ trendlər və yeni imkanlara dair fikir mübadiləsi aparılıb.

World e-ID & Cybersecurity konfransında “Mobil ID – elektron xidmətlər üçün güclü autentifikasiya aləti” mövzusunda təqdimatla B.EST Solutions şirkətinin təsisçisi xanım Yana Krimpe çıxış edib. O, konfrans iştirakçılarına Azərbaycanın elektron xidmətlərə girişin sadələşdirilməsi və Asan İmza mobil autentifikasiya və imzalama texnologiyasının köməyilə mobil hökumət konsepsiyasının tətbiqi sahəsindəki təcrübəsi barədə məlumat verib.

Konfrans iştirakçıları mobil ID xidmətinin mərkəzləşdirilmiş qarşılıqlı münasibətlər mexanizmi əsasında fəaliyyət göstərən və bütün aidiyyatı tərəflər üçün elektron təhlükəsizliyi ən yüksək səviyyədə təmin edən Azərbaycan modeli ilə tanış edilib.

Tədbir zamanı iştirakçılar Azərbaycanda elektron xidmətlərin və sosial innovasiyaların inkişafı sahəsində ümumi vəziyyətlə də tanış olub. Xüsusilə, sosialyönümlü xidmətlərin göstərilməsinin qabaqcıl mexanizmi olan və dünyada ilk dəfə Azərbaycanda tətbiq edilmiş ASAN Xidmət modeli, dövlət rüsumlarının və cərimələrin, eləcə də digər onlayn ödənişlərin vahid platforma üzərindən həyata keçirilməsini təmin edən “Asan Ödəniş” portalı və “Asan İmza” xidmətinin Vergilər Nazirliyinin Çağrı Mərkəzi ilə inteqrasiyası nəticəsində ərsəyə gələn yenilikçi xidmət göstərmə mexanizmləri barədə məlumat verilib.

 

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə