ASAN ödəniş sistemindən istifadə qaydaları təsdiq edilib

08-12-2015 / 18:14

Azərbaycan Respublikası Nazirlər Kabineti ASAN ödəniş sistemindən istifadə qaydaları təsdiq edib.

Xeberler.az bildirir ki, qaydaya əsasən, sistem iştirakçıları inzibati xəta haqqında iş üzrə qərarı və ya yol hərəkəti qaydaları əleyhinə olan inzibati xəta haqqında protokolu, məhkəmə qərarını, xüsusi texniki vasitələrin köməyi ilə aşkar olunan inzibati xətaların törədilməsinin foto və ya video görüntülərini, yol hərəkəti qaydaları əleyhinə olan inzibati xətaların törədilməsinə görə təyin olunmuş ballar barədə məlumatı, inzibati cərimə növündə inzibati tənbeh tətbiq etmə haqqında qərarın icra müddəti və müddətin bitməsi barədə məlumatları real vaxt rejimində sistemə göndərəcəklər.

ASAN Ödəniş sisteminin istifadəçiləri sistemdən internet, xüsusi ödəmə terminalı, mobil telefon aparatı vasitəsilə istifadə edə bilərlər. Sistemdən internet vasitəsilə istifadə etmək üçün www.asanpay.az portalına daxil olaraq gücləndirilmiş elektron imza vasitəsi olan Asan İmza ilə autentifikasiya etmək mümkündür.

Asan İmza vasitəsilə sistemdən istifadə etmək üçün sistemin istifadəçiləri Asan İmza nömrəsini və Asan İmza İstifadəçi ID-sini portalda tələb edilən yerlərə daxil etməli və Asan İmza nömrəsinə göndərilən kodu sorğu yolu ilə mobil telefonunda avtomatik formalaşan Push message texnologiyası vasitəsilə sertifikat xidməti mərkəzinə göndərməlidirlər.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə