Avropa Komissiyası “Amazon” şirkəti ilə bağlı antiinhisar araşdırmasına başlayıb

11-06-2015 / 20:05

Avropa Komissiyası “Amazon” internet mağazası ilə bağlı antiinhisar araşdırmasına başlayıb. Bu barədə komissiyanın məlumatında deyilir.

Xəbərlər-in RYTN-nin rəsmi saytına istinadən verdiyi məlumata görə, “Avropa Komissiyası “Amazon”a qarşı rəsmi antiinhisar araşdırması açıb. Məsələn, komissiya şirkətin digər internet mağazalarının rəqabət qabiliyyətinə mane ola biləcək nəşriyyatçılarla müqaviləsinə daxil edilən müəyyən bəndləri təhqiq edəcək”, - məlumatda bildirilir.

Avropa Komissiyası “Amazon” internet mağazasını Lüksemburqda qeyri-qanuni maliyyə yardımı almaqda şübhəli bilir. Bu barədə “The Wall Street Journal” nəşri komissiyanın sənədlərinə istinadən məlumat verib.

Sənədə əsasən, komissiya Lüksemburq tərəfindən “Amazon” şirkətinə edilən vergi güzəştlərinin Avropa İttifaqı (Aİ) qanunvericiliyini pozması ilə bağlı ilkin qərar çıxarıb.

Vergi qanunlarının pozulması ilə bağlı iş Aİ-nin antiinhisar tənzimləyici orqanının “Amazon”un törəmə “Amazon EU Sarl” şirkətini transfert qiymətqoyma vasitəsilə vergilər ödəməkdə şübhəli bildiyi 2003-cü ildə başlayıb. O zaman “Amazon” və Lüksemburq Maliyyə Nazirliyi onlayn pərakəndə satış mağazasına xüsusi vergi rejiminin verilməsini inkar edib.

Araşdırmaların nəticələri ilə bağlı komissiya Lüksemburqdan “Amazon”dan ödənilməyən vergi məbləğinin hamısının tutulmasını tələb edə bilər.

Aİ həmçinin “Apple”, “Starbucks” və “Fiat” şirkətləri ilə bağlı vergi araşdırmaları aparır. Araşdırmaların aparılması üçün əsas şirkətlərə müvafiq olaraq İrlandiya, Niderland, Lüksemburq tərəfindən böyük vergi güzəştlərinin edilməsidir.

Məlumat üçün bildirək ki, dünyanın nəhəng onlayn pərakəndə satış şirkəti olan “Amazon” ABŞ-dan kənarda – Braziliya, Kanada, Böyük Britaniya, Almaniya, Yaponiya və s. ölkələrdə filiallara malikdir, eləcə də 61 ölkəyə mallar çatdırır.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə