Avropalılar kontaktsız ödənişə üstünlük verir

11-09-2015 / 19:29

“MasterCard” şirkətinin yeni tədqiqatına əsasən, avropalılar gündəlik alış-veriş üçün kontaktsız ödənişlərdən daha çox istifadə edirlər. Bu, belə ödənişlərin sürət və rahatlığı ilə izah edilir.

Xeberler.az AzərTac-a istinadən xəbər verir ki, 2015-ci ilin ikinci rübündə kontaktsız əməliyyatların həcmi illik hesablama üzrə 170 faiz yüksəlib və bu üsulla xərclənmiş məbləğ 2014-cü ilin ikinci rübü ilə müqayisədə 3 dəfə artıb.

Cari ilin ikinci rübündə 2 kontaktsız əməliyyatdan biri ərzaq mağazalarında, 14,5 faizi restoran və barlarda, 10 faizi pərakəndə ticarət mağazalarında edilib.

“MasterCard” Avropada kontaktsız ödənişlərin gələcək inkişafına imkan yaratmaq məqsədilə pərakəndə ticarət müəssisələri üçün yeni standartların tətbiqini planlaşdırır. Bu standartlar artıq bir çox smartfonlarda əlçatan olan biometrik həllərin köməyi ilə istifadəçinin autentifikasiya prosesinin sadələşdirilməsi üçün nəzərdə tutulub.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə