Azərbaycan ilə əlaqəli bütün Android tətbiqlər bir platformada

06-01-2016 / 12:40

Azərbaycan  və ya Azərbaycan ilə əlaqəli olan bütün Android tətbiqləri bir platformada toplayan yeni mobil tətbiq yaradılıb.

Xeberler.az-ın məlumatına görə, Ustad.az layihəsinin rəhbəri Şahin Abdurəhimov  tərəfindən hazırlanan BizimDroid  sistemi vasitəsi ilə istifadəçilər onlara lazım olan yeni tətbiqləri daha tez tanıyacaq və onlar haqqında məlumat əldə edə biləcək.

Həmçinin sistemdə xüsusi reytinq sistemi vasitəsi ilə tətbiqləri dəyərləndirmək və ən yaxşı tətbiqləri digərləri ilə müqayisə etmə imkanı var. Yəni, hansı tətbiqlərin daha çox istifadə edildiyini, daha çox bəyənildiklərini görmək mümkündür.

Şahin Abdurəhimov Xeberler.az-a bildirib ki, tətbiqin yaradılmasında məqsəd Azərbaycandilli və ya Azərbaycanla əlaqəli bütün tətbiqlərin asanlıqla tapılmasını və istifadəsini təmin etmək və Azərbaycanda bu sahənin inkişafına dəstək olmaqdır.

Bir müddət əvvəl Şahin Abdurəhimovun hazırladığı “Yeni Milyonçu” oyunu da  böyük maraqla qarşılanmışdı və Milli Net 2015-in qalibi olmuşdu.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.