Azərbaycan Prezidentinin rəsmi internet saytının mobil versiyası fəaliyyətə başlayıb

27-10-2010 / 01:14

Dövlət başçısının saytından daha bir yenilik

Azərbaycan Respublikası Prezidentinin rəsmi internet saytı mütəmadi olaraq istifadəçilər üçün yeni imkanlar təqdim edir. Xeberler.az "AzərTAc"a istinadən xəbər verir ki, son bir neçə ayda saytın dizaynı ən yeni texnologiyalar əsasında yenilənmiş, onun məktəblilər üçün xüsusi versiyası hazırlanıb, dünyada məşhur video paylaşım saytı olan YouTube-də Prezidentin rəsmi videokanalı fəaliyyətə başlayıb, qlobal sosial şəbəkə olan Twitter-də dövlətimizin başçısının səhifəsi yaradılıb, İPhone istifadəçiləri üçün saytın xüsusi platforması hazırlanıb və çox sayda digər yeni funksiyalar istifadəçilərin xidmətinə verilib.

Mobil internet məkanının dinamik inkişafını və yüksələn önəmini nəzərə alaraq Azərbaycan Prezidentinin rəsmi internet saytının mobil versiyası istifadəçilərin ixtiyarına verilib. Bundan sonra mobil telefon istifadəçiləri asanlıqla öz telefonlarından dövlətimizin başçısının fəaliyyəti ilə bağlı operativ xəbərlərlə tanış ola, Prezidentin nitqlərini və müsahibələrini oxuya, eyni zamanda, fotoşəkillərə baxa bilərlər.

Mobil telefon istifadəçiləri saytın mobil versiyasına aşağıdakı ünvandan daxil ola bilərlər: www.president.az/mobile


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə