Azərbaycan Rabitə və İnformasiya Texnologiyaları Nazirliyi müsabiqə elan edir

12-10-2010 / 08:36

Azərbaycan Rabitə və İnformasiya Texnologiyaları Nazirliyi dekabrın 6-sı - rabitə və informasiya texnologiyaları sahəsi işçilərinin peşə bayramına həsr olunmuş, həmçinin informasiya cəmiyyətinin inkişaf etdirilməsi məqsədilə müsabiqə elan edib.

Nazirlikdən verilən məlumata görə, müsabiqə dörd nominasiya üzrə keçiriləcək ki, bura «İKT üzrə ən yaxşı aktual məqalə», «İKT üzrə ən yaxşı elmi məqalə», «İKT üzrə ən yaxşı kitab» və «Ən yaxşı elektron xidmət» daxildir.

Müsabiqədə iştirak etmək üçün www.aztelekom.org/iktmusabiqe saytında qeydiyyatdan keçmək zəruridir. Qeydiyyatdan keçmiş nominantlar nominasiyalar üzrə işlərini sözügedən veb-sayt vasitəsilə təqdim etməlidir. Eyni zamanda işlər kağız formatında münsiflər heyətinə (Z.Əliyeva küç., 33 Rabitə və İnformasiya Texnologiyaları Nazirliyinin İnformasiya cəmiyyətinin inkişafı şöbəsinə) təqdim oluna bilər.

Qaliblərin müəyyən edilməsi 2 mərhələdən ibarət səsvermə yolu ilə həyata keçiriləcək. I mərhələdə səsvermə www.aztelekom.org/iktmusabiqe saytında «online» yolu ilə həyata keçiriləcək, II mərhələdə isə nominantlar arasından qaliblər münsiflər heyəti tərəfindən («online» səsvermənin nəticələri nəzərə alınmaqla) müəyyən ediləcək.

Məqalələr bu gündən etibarən noyabrın 15-dək təqdim olunmalıdır. Birinci mərhələ üzrə «online» səsvermə noyabrın 16-dan 28-dək davam edəcək. Nominasiyalar üzrə qaliblər noyabrın 30-da müəyyən olunacaq. Qaliblər qiymətli hədiyyələrlə mükafatlandırılacaq.

mənbə: APA


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə