Azərbaycan Universitetində İKT fakültəsi yaradılıb

17-02-2016 / 09:46

Azərbaycan Universitetində yeni fakültə yaradılıb.

Universitetin mətbuat xidmətindən Xeberler.az-a verilən məlumata görə, AU-da  “İnformasiya-kommunikasiya texnologiyaları” fakültəsi yaradılıb. Kompüter elmləri, Kompüter mühəndisliyi, Riyaziyyat, Riyaziyyat və informatika müəllimliyi ixtisasları yeni fakültəyə birləşdirilib.

Fakültənin qarşısında duran əsas vəzifələr qeyd olunan sahələrdə xarici tərəfdaş universitetlərlə birgə kadr hazırlığı və ikili diplom proqramlarının həyata keçirilməsi; sənaye - xidmət müəssisələri və texnoparklarla əməkdaşlığın gücləndirilməsi;  elektronik laboratoriyanın fəaliyyətinin təşkili; tələbələrin İT layihələrinə cəlb olunmasıdır.

Elmi şuranın qərarı ilə universitetdə idarəetmənin təkmilləşdirilməsi məqsədiylə bəzi struktur dəyişiklikləri və yeni təyinatlar da olub. Belə ki, “İqtisadiyyat və idarətmə” və “Biznes” fakültələri birləşdirilərək “Biznes və İqtisadiyyat” fakültəsi yaradılıb. “Sosial işin təşkili və idarə olunması” və “Biznes inzibatçılığı”  kafedraları  isə ləğv olunub. 

Məltəm Talıbzadə 


ŞƏRHLƏR



sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.