Azərbaycanda ilk üzən elektrik stansiyası inşa edilir

04-06-2019 / 11:42

İspaniya Sənaye, Ticarət və Turizm Nazirliyi yanında İxrac və İnvestisiyalar Komitəsi öz portalında "İspaniya şirkəti Asiya İnkişaf Bankının dəstəyi ilə Azərbaycanda ilk üzən günəş elektrik stansiyası inşa edir" sərlövhəli məqalə yerləşdirib.

Xeberler.az bildirir ki, məqalədə Azərbaycan iqtisadiyyatını şaxələndirmək məqsədi ilə alternativ enerji istehsalı sahəsində addımlar atmağa davam edir. Azərbaycan Energetika Nazirliyi ilə Asiya İnkişaf Bankı arasında Böyükşor gölündə fotoelektrik enerjisi istehsalı üçün təcrübi qurğunun tikintisi haqqında saziş bu baxımdan ən son nailiyyətlərdən biri olduğu qeyd edilib.

Üzən günəş elektrik stansiyasının tikintisi layihəsi 2018-ci ilin iyulunda elan edilib.

İspaniyanın fənlərarası, məsləhət, idarəçilik xidmətləri göstərilməsində ixtisaslaşan qlobal konsaltinq şirkəti "EQO-NIXUS" 2,6 milyon avro məbləğində müqavilə ötən ilin sentyabrında imzalanandan sonra bu layihənin həyata keçirilməsinə cavabdehdir. Asiya İnkişaf Bankının bəyanatında deyilir ki, bu məbləğ Azərbaycanla bərabər, Əfqanıstan və Qırğızıstan arasında bölüşdürüləcək. Həmin ölkələrdə də günəş elektrik stansiyaları tikiləcək. Bu ölkələrin hər birində layihənin icrası 2021-ci il üçün başa çatmalıdır. Bu zaman generasiya gücü 100 kilovata çatdırılmalıdır.

Bu elektrik stansiyası enerji təhlükəsizliyi məqsədinə xidmət edən Asiya İnkişaf Bankı üçün böyük maraq kəsb edən Azərbaycan ərazisində "təmiz energetika"nın inkişafına güclü təkandır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə