“Azərbaycanda “internet media” anlayışı öz əksini tapmayıb”

03-12-2009 / 19:20

“Azərbaycanda “internet media” anlayışı öz əksini tapmayıb”.

Xeberler.az-ın verdiyi məlumata görə, bu sözləri APA İnformasiya Agentliyinin baş direktoru Vüsalə Mahirqızı deyib.

V.Mahirqızı bildirib ki, müxtəlif formada bir sıra informasiya, məlumatlandırma resursları yaradılıb, lakin qanunvericilikdə internet media, müxtəlif bloqlarla bağlı boşluqlar var: “Bu isə onların fəaliyyətində problemlər yaradır”.

V.Mahirqızı qeyd edib ki, Azərbaycanda fəaliyyət göstərən informasiya agentliklərinin ana dili əsasən rus dilidir: “Bu portalların xəbərləri rus dilində hazırlanır və sonradan Azərbaycan, ingilis, fransız, ərəb dillərinə tərcümə olunur. İlk Azərbaycan dilli informasiya resursu www.olaylar.az olub, sonra www.apa.az yaradılıb. Bu saytların ana dili Azərbaycan dilidir və onların oxucularının sayı statistikaya görə heç də az deyil. Bu da o deməkdir ki, gələcəkdə Azərbaycan dilli portalların inkişafı gözlənilir”.

Eyni zamanda V.Mahirqızı informasiya xidmətləri bazarını təhlil edərək, yaxın on ildə Azərbaycanda rus dilli portalların populyarlığını itirməyəcəyi haqda proqnoz verib. O, mövcud problemlərdən bəhs edərkən Azərbaycanda internet media üzrə kadrların hazırlanması, resursların İT-təhlükəsizliyinin təmin edilməsi və müəllif hüquqları sahəsində müvafiq işlərin aparılmasının vacibliyini bildirib: “Bununla yanaşı, internet layihələrin inkişafına maliyyə dəstəyinin və qrantların ayrılmasına da ehtiyac var”.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə