Azərbaycanda kriptovalyuta ticarəti ilə bağlı yeni addım

29-01-2018 / 20:16

Məlumat verdiyimiz kimi, Azərbaycanda kriptovalyuta ilə bağlı qanun layihəsi hazırlanırdı.

Xeberler.az bildirir ki, ölkədə "Kriptovalyuta ticarətinin tənzimlənməsi” qanun layihəsinin hazırlanması üçün işlək qrup yaradılıb.

Bu, ölkəmizdə kriptovalyutalar barəsində ilk qanun olacaq. İşlək qrupa Azərbaycan Prezidentinin iqtisadi siyasət və istehsalat məsələləri üzrə köməkçi xidmətinin baş məsləhətçisi Fərəh Məmmədova rəhbərlik edəcək.

Qrupun tərkibinə həmçinin maliyyə və telekommunikasiya sahələri üzrə mütəxəssislər də daxil olacaqlar. Daha öncə Fərəh Məmmədova Azərbaycanın Caspian Development Bank-ın (ölkənin ən böyük kommersiya banklarından biri) müşahidə şurasının rəhbəri olmuşdur və maliyyə sektorunda böyük təcrübəyə sahibdir.

Yaradılmış qrup digər ölkələrin kriptovalyuta istifadəsi təcrübələrini analiz etməli və onları Azərbaycan şərtləri ilə reallıqlarına uyğunlaşdırmalıdır. Maraqlısı ondadır ki, bu ay Bakıda “Buroka Technologies” şirkətinin nümayəndiliyi işə başlayacaq. Bu şirkət Azərbaycanda 5 vacib kriptovalyutanın (Bitcoin, Ethereum, Ripple, Dash və Litecoin) ticarətini aparmaq arzusunda olduğunu bildirib. Şirkətin Londondakı Kraken və Bitstamp kimi kriptobirjalar ilə əlaqəsi var.

“Buroka Technologies” şirkətinin Azərbaycan üzrə nümayəndəliyinin rəhbəri Səbinə Məmmədli bildirib ki, bu ilin Mart ayında Bakıda blokçeyin və kriptovalyuta inkişafı üzrə konfrans keçirilməsi planlaşdırılır. Həmin konfransa həmçinin Ethereum kriptovalyutasının yaradıcısı Vitalik Buterin də dəvət olunub.

Onun sözlərinə əsasən bu barədə qanunvericiliyin yaradılması Azərbaycanda kriptovalyuta bazarının həcmli olmasına gətirib çıxarda bilər.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.