Azərbaycanda mobil telefonlar siyahıya alınacaq

29-08-2010 / 01:21

Rabitə və informasiya texnologiyaları nazirinin müavini İltimas Məmmədov belə deyib
Rabitə və informasiya texnologiyaları nazirinin müavini İltimas Məmmədovun sözlərinə görə, burada məqsəd ölkə ərazisində olan telefonların qanunvericiliyə uyğun istifadəsini təmin etməkdir. Yeni sistemin tətbiqi ölkəyə yalnız istehsalçı şirkətə məxsus, lisenziyalı telefonların gətirilməsinə şərait yaratmaqla bərabər, telefon oğurluğunun qarşısını alacaq.

Bəlli olacaq ki, oğurlanan telefon artıq şəbəkədə qara siyahiya əlavə olunacaq və bundan istifadə etmək mümkün olmayacaq. Onda heç kəs bunu oğurlamaq istəməyəcək. Çünki oğurladısa, tapmaq çox asan olacaq. İkincisi, oğurlanmış telefon heç kimə lazım olmayacaq. Oğurlanmış telefon  o şəbəkəyə qoşulan kimi məlum olunacaq ki, hansı nömrə qoyulub onun içərisinə. Artıq telefonun, oğurlanması qaçırılması bu halları gündəlikdən çıxarlımış olacaq.

Yeri gəlmişkən, bu sistem bir çox ölkələrdə tətbiq olunur. Nazirlikdə deyirlər ki, sistemin tətbiqi avropa ölkələrində telefon oğurluğu ilə bağlı statistikanı heçə endirib. Mobil telefonların qeydiyyat sisteminin yaradılması zamanı «qara siyahı»nın tərtibi və vahid bazaya qoşulması oğurluq telefonların xaricdə belə tapılmasını mümkün edir.

Nazir müavini onu da əlavə edib ki, ölkəmizdə bunun tətbiq olunması və qaçırılmış sistemlər üzrə  ümumdünya bazaya qoşulmağımız bizə o imkanı verəcək ki, həmin bazarda oğurlanmış, qaçırılmış qara siyahıda olan telefonlar bu ölkədə də artıq qara siyahıda olacaq. O telefonlar hansı yolla olur olsun azərbaycana gələcəksə artıq o işləməyəck. Və yaxud bizim daxil etdiyimiz qara listə həmin ölkələrə gedəcək. Burdan qaçırılmış telefon avtomatik avtomatik  hər bir ölkədə qara siyahıda yer alacaq .

Başqa sözlə, mobil telefon oğurlanıbsa, sahibinin müraciəti əsasında, telefonun imei-kodu «qara siyahı»ya salınacaq  və operatorlara bu telefona xidmət göstərmək qadağan ediləcək. Üstəlik, hər bir şəxs almaq istədiyi telefonun oğurluq olub-olmadığını da bu siyahı vasitəsilə yoxlaya biləcək.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə