Azərbaycanda nağdsız ödənişlərin həcmi azalıb

10-08-2017 / 14:18

Azərbaycanda cari ilin yanvar-iyun ayları ərzində ATM və POS-terminallar vasitəsilə ümumilikdə 508 mln. manat həcmində əməliyyatlar həyata keçirilib.

Xeberler.az bildirir ki, bu  barədə Azərbaycan Mərkəzi Bankının (AMB) aylıq hesabatında məlumat verilib. 

Hesabata əsasən, nağdsız əməliyyatların həcmi əvvəlki ilin müvafiq dövrü ilə müqayisədə 150 mln. manat və ya 42% artıb.

Əməliyyatların 371 mln. manatı POS-terminallar, 137 mln. manatı ATM-lər vasitəsilə həyata keçirilib. Beləliklə, POS-terminallar vasitəsilə nağdsız ödənişlərin həcmində 156 mln. manat və ya 73% artım, ATM-lər vasitəsilə ödənişlərdə isə 6 mln. manat və ya 4% azalma qeydə alınıb.

Hesabata əsasən, cari ilin iyun ayında POS-terminallar vasitəsilə nağdsız ödənişlərin həcmi əvvəlki ayla müqayisədə 5 mln. manat və ya 8% azalaraq 58 mln. manat, ATM-lə nağdsız ödənişlərin həcmi isə dəyişməyərək 26 mln. manat təşkil edib. (Report)

 


ŞƏRHLƏR



sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.