Azərbaycanda POS-terminalların 2/3-si paytaxtda cəmləşib

25-06-2015 / 21:09

Azərbaycanda mövcud POS-terminalların ümumi sayı ötən ilin müvafiq dövrü ilə müqayisədə 82,4% artaraq 2015-ci il mayın 1-nə 78 039 ədədə çatıb.

Xeberler.az-ın Mərkəzi Banka istinadən verdiyi məlumata görə, POS-terminalların 49 824 ədədi və ya 63,9%-i paytaxt Bakıda cəmləşib. POS-terminalların 28 215 ədədi və ya 36,2%-i regionların payına düşüb. POS-terminalların sayında paytaxt üzrə 52,8%, regionlar üzrə isə 3 dəfəyə yaxın illik artım müşahidə olunub.

Hesabata əsasən, cari il mayın 1-nə ölkə əhalisinin hər 120 nəfərinə 1 POS-terminal düşüb. Qeyd edək ki, ötən ilin müvafiq dövründə bu göstərici 220 nəfər olub. 

Bir POS-terminala düşən əməliyyatların orta aylıq həcmi isə illik müqayisədə 32,7% azalaraq 2015-ci il mayın 1-nə 1 434,3 manat təşkil edib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə