Azərbaycanın internet sürəti 33 pillə gerilədi

11-07-2018 / 14:45

British tədqiqat institutu Cable 200 ölkədə internet sürətini testdən keçirdi. Araşdırmada iki fərqli universitet, Google və müxtəlif xüsusi tətqiqat laboratoriyaları ortaq yer alıb. Nəticədə Geniş Zolaqlı Sürətli Dünya Bağlantı xəritəsi ortaya çıxdı.

Xeberler.az bildirir ki, may ayının 29-da başa çatan, 200 ölkədə 163 milyondan çox geniş zolaqlı şəbəkə sürəti testinə əsaslanan anketin nəticələri 12 ay ərzində tərtib edilib. Nəticədə dünya xəritəsində ölkə və ölkədə hansı əlaqənin nə qədər sürətli olduğu göstərilib.

Qeyd edək ki, sıralamada Azərbaycan 2.52 mbps (mega bit per second) sürətlə 2017-ci il göstəricisi ilə müqayisədə 33 pillə geriləyərək 135-ci sırada yer alıb.

Qonşu ölkələrdən Türkiyə 91-ci, Rusiya 47-ci, Gürcüstan 77-ci, İran 145-ci, Ermənistan 107-ci sırada yer alıb.

Həmçinin sıralamda ilk onluğa düşən ölkələri də sizə təqdim edirik:

  1. Sinqapur
  2. İsveç Krallığı
  3. Danimarka
  4. Norveç
  5. Rumıniya
  6. Belçika
  7. Hollandiya
  8. Lüksemburq
  9. Macarıstan
  10. Cersi adası

Digər ölkələrin internet sürətilə bağlı göstəricilərlə tanış olmaq üçün bu linkə daxil ola bilərsiniz.

Sevinc Baba-zadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə