Azərbaycanlı tələbə Azerspace-2 peykinin orbitə buraxılmasında iştirak edib

28-09-2018 / 17:06

Bakı Ali Neft Məktəbinin IV kurs tələbəsi Fərdin Vətəni Azərbaycanın “Azerspace-2” peykinin Fransa Qvianasında yerləşən Kuru kosmodromundan orbitə buraxılmasında iştirak edib.

Xeberler.az  bildirir ki, ölkəmiz üçün tarixi əhəmiyyət kəsb edən bu hadisənin canlı şahidi olan tələbə ali məktəbin “Nefq-qaz mühəndisliyi” ixtisasında təhsil alır. “Azerspace-2” peykinin orbitdə istismar müddəti minimum 15 il təşkil edəcək. Peyk Azərbaycanın orbitə çıxarılan üçüncü peykidir. “Azerspace-2” peyki Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələrini əhatə edəcək. Peyk regionda dövlət və özəl qurumlara şəbəkə xidmətləri sahəsində artmaqda olan tələbləri qarşılamaq üçün yüksək texniki imkanlar, əlverişli əhatə zonası və keyfiyyətli xidmət təklif edəcək.

Qeyd edək ki, ali məktəbin tələbəsi BANM ilə “Azərkosmos” Açıq Səhmdar Cəmiyyəti arasında olan qarşılıqlı əməkdaşlıq çərçivəsində bu böyük tədbirdə iştirak edib. BANM-ə 690 balla daxil olan Fərdin Vətəni ali məktəbin aktiv sosial-ictimai fəaliyyəti ilə fərqlənən tələbələrindəndir, eyni zamanda Prezident təqaüdçüsüdür. 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.