Azercell tələbə və məzunlar üçün proqrama başlayır

03-05-2011 / 00:53

Şirkətdən “Qafqazinfo”ya verilən məlumata görə, mərhələli seçim nəticəsində seçilən gənclər 2 ay müddətində həm şirkətdə işləyib təcrübə qazanmaq, həm də müvafiq əmək haqqı almaq imkanı qazanırlar. Azercell-də təcrübə keçmək imkanı tələbələr üçün universitetlərdə öyrəndikləri nəzəri bilikləri real iş şəraitində tətbiq etmək şansı yaradacaq. Bundan əlavə, tələbələr telekommunikasiya sənayesi haqda birbaşa mənbədən bilik əldə edəcək, maraqlı, həmçinin məsuliyyətli layihələrdə iştirak edəcəklər. Bu proqram gənclərin gələcək karyera inkişafında da yardımçı olacaq. 

Proqramda ali təhsil məktəblərinin son iki kursunun tələbələri və 2010-cu ilin məzunları iştirak edə bilər. Bu proqrama müraciət etmək istəyənlər təqdim edilən siyahı üzrə özləri üçün maraqlı olan sahəni seçərək elektron müraciət ərizəsini doldurub tələb edilən sənədlərlə birlikdə müvafiq ünvana göndərməlidirlər. Müraciət forması ilə yanaşı gənclər həm də təqdim edilən iki mövzudan biri üzrə ingilis dilində esse yazmalıdırlar. Təcrübə proqramının iştirakçılarının seçimi zamanı əsasən Bakı Dövlət Universiteti, Azərbaycan Dövlət Neft Akademiyası, Azərbaycan Texniki Universiteti, Azərbaycan Dövlət İqtisad Universiteti və Qafqaz Universitetinin tələbə və məzunlarına üstünlük veriləcək. 

Təcrübə proqramına 15 May 2011-ci il tarixinə kimi müraciət etmək olar. Bütün müraciətlər yalnız elektron ərizə formasında qəbul olunur. Ərizə formasını şirkətin www.azercell.com ünvanlı saytından əldə etmək olar. 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə