Azərkosmos-un nümayəndəsi beynəlxalq komitənin sədri seçilib

13-10-2016 / 11:32

Oktyabrın 12-də ABŞ-ın paytaxtı Vaşinqton şəhərində Beynəlxalq Telekommunikasiya Peyki Təşkilatının (İTSO) Tərəflər Assambleyasının 37-ci iclası öz işinə başlayıb.

Xeberler.az-ın məlumatına görə, tədbirin ilk günündə aparılmış gərgin müzakirələrdən və danışıqlardan sonra Azərbaycan təşkilatın Şərqi Avropa və Şimali Asiya ölkələri qrupundan (C qrupu) Mandat Komitəsinə üzv qəbul edilib.

Daha sonra İTSO-ya üzv ölkələrin yekdil qərarı ilə Lüksemburq, Butan, Cənubi Afrika və Kanadanın da üzv olduğu Mandat Komitəsinin sədri vəzifəsinə Rabitə və Yüksək Texnologiyalar Nazirliyinin Azərkosmos  ASC-nin hüquq departamentinin direktoru İlqar Abdullayev seçilib.

Tədbirdə Mandat Komitəsinin sədri kimi çıxış edən İ.Abdullayev ölkəmizə göstərilmiş etimada görə üzv ölkələrə təşəkkürünü bildirərək, qurumun səlahiyyətində olan bir sıra məsələlər barədə danışıb.

Dünyanın 149 ölkəsinin nümayəndələrinin iştirakı ilə Amerika Universitetinin Hüquq üzrə Vaşinqton Kollecində keçirilən bu tədbirdə ölkəmizi Rabitə və Yüksək Texnologiyalar Nazirliyinin Azərkosmos ASC-nin nümayəndəsi ilə yanaşı, Azərbaycanın ABŞ-dakı səfirliyinin əməkdaşları Emil Səfərov və Sərxan İsmayılov təmsil edir.

Beynəlxalq Telekommunikasiya Peyki Təşkilatının (İTSO) Tərəflər Assambleyasının 37-ci iclası oktyabrın 14-dək davam edəcək. İclasda Fransa, İspaniya və Uqandadan olan üç namizəd arasından İTSO-nun yeni baş direktorunun seçilməsi planlaşdırılır.(AZƏRTAC)

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə