Azərpoçt-un brend konsepsiyası tətbiq olunur

24-05-2015 / 15:02

Hollandiyanın Guidion şirkəti tərəfindən Azərpoçt MMC-nin yeni brend konsepsiyası tətbiq edilir. Bu strategiya Azərpoçt-un ofislərinin işinin tam yeni formada təmin edilməsini nəzərdə tutur.

Nazirlikdən Xəbərlər-ə verilən məlumata görə, Şirvanda reallaşdırılan pilot layihə çərçivəsində Azərpoçt-un poçt şöbələrinin işi və xidmətləri yeni dizaynda, müasir avadanlığın tətbiqi ilə təşkil edilir.

Rebrendinq kampaniyası poçtun imicinin yenidən formalaşması, o cümlədən loqonun dəyişdirilməsi, xidmətlərin müştərilərə yeni formada təqdim olunması məqsədi ilə keçirilir. Ötən il şirkət tərəfindən Şirvanda bu istiqamətdə qiymətləndirmə aparılıb və filialın cari vəziyyəti müəyyən olunub. Daha sonra hesabatlar hazırlanıb. Yeni dizayna əsasən Şirvan filialı tam təmir edilib. Hazırda Guidion şirkəti digər işləri həyata keçirir. Azərpoçt-un rebrendinqi üzrə işlər sentyabrda başa çatacaq.

Guidion şirkəti 2013-cü ilin sonunda Dünya Bankının keçirdiyi müvafiq tenderin qalibi olub. Bu tender SECO-nun Azərbaycan hökumətinə ayırdığı qrant hesabına “Maliyyə xidmətlərinin inkişaf etdirilməsi” layihəsi çərçivəsində keçirilib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə