Azərsu-ya şikayəti elektron formada göndərə bilərsiniz

10-08-2017 / 16:33

Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin operatoru olduğu “Elektron hökumət” portalına Azərsu Açıq Səhmdar Cəmiyyətinin “Elektron müraciət” adlı yeni elektron xidməti inteqrasiya olunub.

Nazirlikdən Xeberler.az-a verilən məlumata görə, bu xidmət vasitəsi ilə fiziki və hüquqi şəxslər müraciətlərini (ərizə və şikayət) bundan sonra elektron formada göndərə bilərlər.

Xidmətdən necə istifadə etmək olar?

Portala autentifikasiya vasitələrindən biri ilə daxil olduqdan sonra əsas səhifədə “Bütün xidmətlər” bölməsini seçin. Daha sonra Azərsu Açıq Səhmdar Cəmiyyətinin təqdim olunan xidmətləri içərisindən “Elektron müraciət” adlı xidməti seçin.

Açılan səhifədə “Su kanal idarələri”, yaxud “İdarəetmə aparatı” olaraq müraciət edilən təşkilatı, həmçinin müraciət edilən səlahiyyətli şəxs və ya müraciət edilən struktur vahidini seçib “Müraciət et” düyməsinə sıxın.

Növbəti səhifədə ad, soyad, ata adı, FİN kod və ünvanınızı qeyd edib, ərizə, yoxsa şikayət olmaqla, müraciətin növünü və müraciət etmə səbəbini seçin. Telefon nömrəsi, poçt ünvanı və müraciətlə bağlı qeydləri əlavə edib, müraciətlə əlaqəli sənədlərin təqdim edilməsinə zərurət yarandıqda isə “Fayl əlavə edin” bölməsindən sənədləri sistemə yükləyin. Bundan sonra “Müraciət et” düyməsini aktivləşdirməklə müraciətinizi göndərmiş olacaqsınız.

Göndərildikdən sonra müraciətinizin qeydiyyata alınması və nömrəsi barədə bildirişi ekranda görəcəksiniz.

Qeydiyyata alındıqdan sonra müraciətiniz Azərsu Açıq Səhmdar Cəmiyyətinin müvafiq struktur vahidinə icraya yönləndirilir. Müraciətin nəticəsi haqda məlumat isə vətəndaşın anketdə qeyd etdiyi elektron poçt ünvanına göndərilir.

Qeyd edək ki, Azərsu Açıq Səhmdar Cəmiyyətinin “Elektron hökumət” portalına inteqrasiya edilən xidmətlərinin sayı 10-a çatdırılıb.

 Xeberler.az


ŞƏRHLƏR



sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.