AzerTelecom müasir xidmətlər təqdim edir

01-02-2018 / 14:37

Azərbaycanı beynəlxalq internet şəbəkəsinə bağlayan magistral (backbone) internet provayder şirkəti AzerTelecom MMC korporativ müştərilərə müasir telekommunikasiya xidmətləri təklif edir.

Şirkətin ictimaiyyətlə əlaqələr departamentindən Xeberler.az-a verilən məlumata əsasən, şirkətin xidmət portfoliosunda mövcud olan telekommunikasiya xidmətləri korporativ müştərilərə imkan verir ki, onlar rahat və etibarlı şəkildə müasir İKT xidmətlərindən yararlana bilsinlər.

Hazırda müştərilər AzerTelecom MMC tərəfindən təqdim olunan internetin topdan satışı, ayrılmış kanal xidməti, mobil və stasionar telekommunikasiya şəbəkələrində informasiyanın daşınması, beynəlxalq tranzit xidməti, SİP telefoniya, FTTx (hər hansı bir x nöqtəyə qədər fiber optik xətt), Data mərkəz xidmətləri, VSAT xidmətləri, Korporativ şəbəkə, Backbone xidmətləri, GSM üzərindən ayrılmış xətt, VPN (virtual şəxsi şəbəkə), lokal VoİP, DDOS hücumundan müdafiə və digər xidmətlərdən faydalana bilərlər. Şirkətin təqdim etdiyi geniş çeşid telekommunikasiya xidmətləri müştərilərin ehtiyaclarını tam və vaxtında ödəməklə yanaşı həm də onların fərqli istək və ehtiyaclarına uyğun olan xidmət paketi yaratmağa da şərait yaradır.

Eyni zamanda AzerTelecom MMC müştərilərin müasir standartlara cavab verə biləcək İKT xidmətləri ilə təmini üçün bir sıra innovativ layihələr də reallaşdırır. Bu layihələr həm də dünya telekommunikasiya bazarında olan yeniliklərin və müasir yanaşmaların ölkəmizdə tətbiqinə imkan verir.

AzerTelecom MMC öz xidmətlərini müasir və dayanıqlı şəbəkəsi üzərindən təqdim edir. Şirkətin sahib olduğu bu şəbəkə Naxçıvan Muxtar Respublikası da daxil olmaqla Azərbaycanın bütün əsas bölgələrini və şəhərlərini əhatə edir. AzerTelecom MMC-nin beynəlxalq şəbəkəsi isə etibarlı və nüfuzlu beynəlxalq tərəfdaşlarla əməkdaşlıq etməklə dünya üzrə bütün əsas telekommunikasiya hablarına birləşir.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə