Azəryolservis-in Qaynar xəttinə daxil olan müraciətlərin sayı açıqlanıb

20-11-2015 / 14:39

Azəryolservis ASC-nin Qaynar xətt xidmətinə fəaliyyət göstərdiyi son bir ay ərzində ( 19 oktyabr-19 noyabr) 93 zəng daxil olub.

Xeberler.az bildirir ki, gələn zənglərin əksər hissəsi yolların təmiri, piyada zolaqlarının olmaması, yeraltı kommunikasiya xətlərinin çəkilişindən sonra bərpa işlərinin aparılmaması, işıqlandırma sistemlərində yaranmış problemlər, bəzi yerlərdə zəruri yol nişanlarının olmaması və intensiv yağışlardan sonra yollarda nəqliyyat vasitələrinin hərəkətində yaranmış problemlərlə bağlı olub.

Qeyd edək ki, 2015-2016-cı illər payız-qış mövsümünə hazırlıq, payıq-qış mövsümündə avtomobil yollarının və yol qurğularının normal istismarını, hərəkətin fasiləsizliyini və təhlükəsizliyini təmin eymək məqsədilə Nəqliyyat Nazirliyi Azəryolservis Açıq Səhmdar Cəmmiyyətində tədbirlər planı hazırlanıb.

Tədbirlər planına əsasən avtomobil yollarında mövcud olan problemlərin operativ şəkildə həll edilməsi məqsədi ilə Nəqliyyat Nazirliyi Azəryolservis ASC-də sutkalıq növbətçilik yaradılıb. Növbətçinin daxil olan məlumatları qeyd edib cəmiyyətin tabeliyində olan şöbə və idarələrə çatdırılmasını təmin etmək məqsədilə (012) 599-79-75 nömrəli xüsusi telefon xətti, Qaynar xətt fəaliyyətə başlayıb. Qaynar xətt 24 saat ərzində daxil olan zəngləri qəbul edir.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə