B2b.az portalının istifadəçi sayı 63 minə yaxındır

04-02-2016 / 21:38

İqtisadiyyat Nazirliyi tərəfindən yaradılmış Azərbaycanın ilk elektron ticarət portalının -www.b2b.az xidmətlərindən 2015-ci ildə 18 250 istifadəçi yararlanıb.

Nazirliyin mətbuat xidmətindən Xeberler.az-a verilən məlumata görə, ümumilikdə isə istifadəyə verildiyi 2008-ci ildən indiyədək portal 63 minə yaxın istifadəçiyə xidmət göstərib.

www.b2b.az portalının xidmətlərindən istifadə edənlər arasında Rusiya, ABŞ, Türkiyə, Çin, Ukrayna, Almaniya, Qazaxıstan, Hindistan, Belarus, Böyük Britaniya, İndoneziya, Fransa, BƏƏ, İtaliya və s. ölkələrdən olan istifadəçilər də var.

Qeyd edək ki portalının yaradılmasında məqsəd yerli sahibkarlar tərəfindən istehsal olunmuş məhsullar və göstərilən xidmətlər barədə məlumatları potensial alıcılara çatdırmaqla onlar arasında biznes əlaqələrin qurulmasına dəstək göstərməkdir. Portal “business to business” modeli əsasında qurulub. Fəaliyyət sahəsindən asılı olmayaraq bütün sahibkarlar portalın xidmətlərindən istifadə edə bilərlər. Portaldan istifadə pulsuzdur. Elektron ticarət portalı istifadəçilərə məlumat dəstəyi də göstərir. Belə ki, portalda müxtəlif təhlil və informasiya xarakterli materiallar yerləşdirilir. Portaldakı materialların 3 dildə (Azərbaycan, ingilis və rus) təqdim edilməsi istifadəçilərin geniş əhatə dairəsini təmin edir.

 

 Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə