Bakıda Startup AddVenture konfransı sabah keçiriləcək

23-02-2015 / 16:01

CCC Startups və Khazar Ventures şirkətlərinin təşkilatçılığı ilə sabah Bakıda Startup AddVenture konfransı baş tutacaq.

Xəbərlər-in məlumatına görə, konfransın keçiriləcəyi tam gün ərzində tədris proqramından və startup müsabiqəsindən ibarət olacaq. Tədbirdə Silicon Valley-in və Avropanın ən tələb olunan təlimçiləri iştirak edəcəklər.

Konfransla yanaşı startuplar arasında real pitching(müsabiqə)lər keçiriləcək və qalib layihələr həm investisiya həm də qlobal tədbirlər çıxış imkanlar əldə edə biləcəklər. Növbəti 15 il ərzində 1 milyard yeni istehlakçı orta təbəqəni təşkil edəcək — onların 80% isə ABŞ-dan kənarda olacaq. Orta Şərq geosiyasi və sahibkarlıq imkanları ila qarşılaşan cavan və tez inkişaf edən əhaliyə malikdir. Startup AddVenture konfransı Bakıya ən peşakar startup mütəxəssislərini gətirir.

Bir gün ərzində baş tutacaq tədbir bir neçə təlimçi tərəfindən keçiriləcək: Techcrunch-ın redaktoru Mike Butcher; Virgin Group-un rəqəmsal marketinqi üzrə keçmiş rəhbəri Alex Hunter; Badoo-nun istifadəçi sayını 100 milyona çatdırılmasına kömək edən Michael Geer; HP şirkətinin daşınan texnologiyaları üzrə rəhbəri Sridhar Solur; CCC Startups-ın əsas əməkdaşları Vitaliy M. Golomb, Mike Reiner və Max Gurvets və başqaları iştirak edəcək. Konfransda digər peşakar sahibkarların, yerli ulduzların və investorların çıxışları da nəzərdə tutulub.

 

 Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə