May13-də Azercell Plazada “WoWoman: Tech-Tech Xanım. Project Launch” tədbiri keçirilib.
Xeberler.az-ın məlumatına görə, tədbirin təşkil olunmasında məqsəd isə xanımları prespektivli İT sahəsinə cəlb etmək, və bu sahənin verdiyi imkanları işıqlandırmaq olub.
Tədbir zamanı iştirakçılar“Tech-Tech Xanım” layihəsinin proqramı ilə tanış olublar, İT sahəsinin qabaqcıl mütəxəssisləri ilə ünsiyyət qurub, həmçinin qadınlar üçün mobil tətbiqetmənin yaradılması üzrə master-klassda iştirak ediblər.
Tədbirdə İT mütəxəssisləri qadınlarla təcrübələrini paylaşıb.
Məlumat Xidmətləri bölməsinin rəhbəri Ramin Orucov, SİNAM şirkətində texniki analist Roza Həmzəyeva uğurlu nikahlarının təcrübəsi, üstünlüklərini və sirlərini iştirakçılarla bölüşüblər.
Bununla yanaşı, tədbir zamanı Millikart-ın layihə meneceri Səbinə Mirzəyeva böhran zamanı başlanılmış startap layihəsinin incəlikləri haqqda danışıb, İnfipro-nun marketinq üzrə meneceri Kəmalə İsmayılova isə iştirakçılara İnfipro şirkətində iş qazanmaq imkanını təqdim edib, həmçinin xanımaları arzularına gedən yolda təslim olmamağa motivasiya edib.
Bonn Universitetinin kompüter elmləri üzrə magistrı Günay Kazımzadə isə iştirakçı xanımlardan biri ilə birgə mobil tətbiqetmənin yaradılmasında master-klass nümayiş edib.
“Tech-Tech Xanım” layihəsinin meneceri Günel Hüseynova İT-nin əsasları təlimi üzrə gələcək seçim mərhələsini elan edib. O bildirib ki, seçim 25 maya kimi açıq elan olunacaq və iştirak etmək istəyən hər kəs qeydiyyatdan keçə bilər.
“Tech-Tech Xanım” layihəsinin komandası qadınların İT sahəsində imkanlarının genişləndirilməsi üçün çalışır və bu yolda layihəni Uber şirkəti dəstəkləyir. Uber bütün iştirakçılarına Azercell-in təqdim etdiyi tədbir məkanına öz avtomobilləri vasitəsi ilə təmannasız gedişi təmin edib.
WoWoman sosial platforması Tech-Tech Xanım layihəsi bir müddət öncə fəaliyyətə başlayıb. Layihənin məqsədi, zərif cinsin nümayəndələrini informasiya və texnologiyalar sahəsi ilə daha yaxından tanış etmək, və onlara müvafiq biliklər qazanmaqda kömək etməkdir.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri