Bloklanmış saytların qara siyahısı tezliklə hazırlanmalıdır-EKSPERT

13-07-2018 / 12:50

Xeberler.az-a açıqlama verən Azərbaycan İnternet Forumunun prezidenti Osman Gündüz ötən ilin əvvəli İnformasiya, informasiyalaşdırma və informasiyanın mühafizəsi haqqında qanuna edilən əlavələrlə mövcud qanunvericiliyin tələblərini pozan saytların bloklanması üçün hüquqi baza yaradıldığını bildirib: “NRYTN məhkəmə qərarı olmadan və Baş Prokurorluğun təqdimatı ilə internet resursları bloklaya bilir. Bu qanunvericiliyin tətbiqi ilə bağlı bir xoşagəlməz tendensiya var. İlk baxışda elə görsənir ki, sanki bu qanunvericilik internet mediaya, xəbər resurslarına qarşı hazırlanıb. 

Çünki, adətən xəbər resurslarının bloklanması ilə bağlı məlumatlar açıqlanır. Başqa hansısa digər resursların bağlanması haqqında ictimaiyyət məlumatsızdır. Halbuki qanunvericilikdə saytın qapadılması üçün əsas ola biləcək informasiyalar, çağırışlar olan xeyli saytda digər internet resurslar da var.  Yəni, uşaqlar üçün zərərli olan, dini radikal qurumların, ekstremist-terrorist qurumların, dövlətçilik üçün təhlükəli təriqətlər və qruplaşmaların internet resursları da varki qanunvericilik onlara tətbiq oluna bilər, xəbərdarlıqlar edilə bilər. Və nəhayətdə ölkə ərazisində fəaliyyəti qadağan oluna bilər”. 

Osman Gündüz informasiya azadlığı prinsipini əsaslanaraq bütövlükdə milli informasiya resursunu bloklamadan da tədbirlərin görülə biləcəyini qeyd edib:

“Əgər digər resurslara qarşı da belə bir addımlar atılıbsa, məlumat əldə etmək mümkün deyil. Düşünürəm ki, Nazirlik qanunvericilikdə nəzərdə tutulan bloklanmış saytların "qara siyahı"sını tezliklə hazırlamalıdır.

Eyni zamanda düşünürəm ki, NRYTN, Baş Prokurorluq internet resursun, xüsusilə də internet media resursunun tam bağlanmasından öncə , qanuna zidd olan konkret bir xəbərin, məlumatın linkini də bloklaya bilərdi. Yəni ola bilər ki, hansısa bir xəbər resursunda sadəcə bir və ya bir neçə qanuna zidd xəbər, məlumat var, bu xəbərə görə, media azadlığı, informasiya azadlığı prinsipini əsas tutaraq bütövlükdə milli informasiya resursunu bloklamaya da bilər”.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə