BTRİB-in kabel-kanal sistemində nə baş verib?

29-07-2016 / 14:13

Məlumat verdiyimiz  kimi, Rabitə və Yüksək Texnologiyalar Nazirliyi Bakı Telefon Rabitəsi İstehsalat Birliyi (BTRİB) tərəfindən kabel-kanal sistemində qeydə alınan çatışmazlıqların aradan qaldırılması üçün yeni layihəyə başlanıb.

Rabitə və yüksək texnologiyalar naziri Ramin Quluzadə də vurğulayıb ki, kabel-kanal sistemi uzun illər düzgün istismar edilməyib.

Belə ki, hazırda paytaxtın normadan çox yüklənən kabel-kanal sistemində səliqə-sahman yaradılır.

Bu istiqamətdə görülən işlər barədə daha ətraflı BTRİB-in Stansiya Qurğuları Xidmətinin rəisi  Hidayət Ağayev ilə ətraflı söhbət etdik.

Hidayət Ağayev Xeberler.az-a bildirib ki, hazırda BTRİB-in istismarında olan kabel-kanal sistemləri və qurğuları uzun müddət israfçılıqla istifadə olunduğu üçün istismara yararsız hala gəlib:

“Sistemin uzun illər normativə uyğun düzgün istismar edilməməsi, kabel-kanal sistemində kabellərin səliqəsiz və sıx yerləşdirilməsi, montajın normativlərə cavab verməməsi bu resursun texniki istismarını mümkünsüz edib. Kabel-kanalların bu cür istismarı zədəli kabellərin demontajı zamanı digərlərinin zədələnməsinə səbəb olur və yeni kabellərin çəkilməsini qeyri-mümkün edir”.

Onun sözlərinə görə, bu işlər yekunlaşandan sonra vahid qaydalar müəyyən ediləcək və buna BTRİB nəzarət edəcək:

“Əslində bu qaydalar əvvəlcədən də mövcud olub. Sadəcə qaydalara  riayət olunmayıb. Həmin quyularda çalışanların iş şəraiti də standartalara uyğun olmalıdır. Bu baxımdan kabel-kanal sistemində görüləsi texniki işlər həddindən artıq çoxdur”.

Qurum rəsmisi deyib ki, bununla bağlı provayderlər birgə işləyirlər. Hətta digər şirkətlərə də alternativlər təklif edilib:

“BTRİB  məsələ ilə bağlı provayderlərlə birgə işləyir. Çünki onların da kabel-kanal xətləri var və biz onlara müdaxilə edib, optimallaşdıra bilmərik. Provayderlər də fəaliyyətlərinin yaxşı olması üçün bu işə diqqət etməli, mövcud problem həll etməlidir. Hər kəs öz sahəsini optimallaşdıraraq  xətləri bir səliqə -səhmana gətirməlidir. Çalışırıq ki,  BTRİB-in istismarında olan kabel-kanal sistemində əlverişli, yeni infrastruktur yaradaq. Kənar şirkət və təşkilatlara da  müəyyən alternativlər təklif etmişik. Onların da biznesinin davamlılığı və inkişafı düşünülməlidir. Ona görə işlər davam etdiyi müddətdə alternativlər təklif edilir. Hətta həmin şirkətlərin bəziləri ilə BTRİB-də bir çox görüşlər də keçirilib. Onları razı salacaq alternativ həll variantları təklif edilib”.

Hidayət Ağayev deyib ki, bu istiqamətdə işlər ilin sonuna qədər davam edəcək:

“Bakı Telefon Rabitəsi İstehsalat Birliyinin balansında və istismarında 16.900 müxtəlif ölçülü quyu, 1820 km telefon kanalizasiyası və 4006 km kabel kanalı var.Hazırda bu resurslar daha yararlı hala gətirilir. Ona görə də ilin sonunda işlərin yekunlaşması nəzərdə tutulur”.

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə