AZNET

Rabitə və Yüksək Texnologiyalar Nazirliyinin tərkibində fəaliyyət göstərən Bakı Telefon Rabitəsi İstehsalat Birliyinin rəsmi saytı  (btrib.net)  aylardır ki, yenilənmir.

Həmçinin, qurumun tərkibindəki Bakinternet-in də saytı (bakinter.net) yenilənməyib.

Məlum olduğu kimi, ötən il “MTN işi” ilə bağlı hadisələrdən sonra BTRİB rəhbəri vəzifəsindən azad olunub və onun haqqında həbs qətimkan tədbiri seçilib.

RYTN-nə yeni rəhbər təyin olunandan sonra  isə Nazirlikdə və bütün qurumlarında islahatlar və ciddi kadr dəyişiklikləri başlayıb.

Kadr dəyişiklikləri BTRİB və Bakinternet rəhbərliyindən də yan keçməyib.

Görünür, adı çəkilən qurumlarda kadr dəyişikliklərindən sonra rəsmi sayt məsələsi tamamilə diqqətdən kənarda qalıb.

Belə ki, hər iki  saytda  souncu məlumat fevralın 26-da yerləşdirilib. Həmin vaxtdan sonra sayt yenilənməyib.

BTRİB-in saytındakı “Struktur” bölməsində isə qurumla bağlı heç bir məlumat qeyd edilməyib.

Həmin hissədə “Hal-hazırda BTRİB-də struktur dəyişikliyi aparılır. Yeni struktur təsdiq olunduqdan sonra saytımızda yerləşdirələcək” mesajı qeyd edilib.

Lakin məlum olduğu kimi, qurumdakı struktur dəyişiklikləri ilə bağlı əksər media orqanları məlumat dərc edir.

Quruma yeni təyin olunan rəhbərlər də artıq vəzifəsinin icrasına başlayıb. Amma bunula bağlı nə Nazirlik, nə də BTRİB məlumat yayımlamaq istəyir.

Artıq məlumat verdiyimiz kimi son dövrlərdə BTRİB-də bəzi yeniliklər də edilir.

Belə ki, BTRİB Bakı şəhəri üzrə kabel-kanal sistemini yeniləyir. Bu qurumda Çağrı Mərkəzi də fəaliyyətə başlayıb.

Bu yaxınlarda isə Rabitə və Yüksək Texnologiyalar Nazirliyinin telekommunikasiya sahəsində apardığı islahatların nəticəsi olaraq Bakı Telefon Rabitəsi İstehsalat Birliyi (BTRİB) senytabrın 1-dən etibarən internet və İPTV xidmətləri üzrə “öncədən ödəmə” sisteminin tətbiqinə başlacaqlarını rəsmi elan etdi.

Bütün bunlar baradə də isə BTRİB-in rəsmi saytında məlumat yerləşdirilməyib.

Qeyd edək ki, mövcud qanunvericiliyin tələblərinə görə dövlət qurumu öz fəaliyyəti haqqında və ictimai əhəmiyyət kəsb edən məlumatları rəsmi internet resursu vasitəsilə açıqlamağa borcludur.

Ümid edirik ki, Nazirlik, qurumun yeni rəhbərliyi islahatar dövründə bu məsələni də diqqətdə saxlayacaq.

Qeyd edək ki, RYTN-in tabeliyində ən böyük telekommunikasiya qurumlarından olan Bakı Telefon Rabitəsi İstehsalat Birliyi Bakı şəhəri ərazisində dövlət hakimiyyət və idarəetmə orqanlarına, idarə, müəssisə və təşkilatlara, xarici hüquqi şəxslərə, onların nümayəndəliklərinə və əhaliyə bütün növ telefon, genişzolaqlı internet, radiorabitəsi, digər müasir telekommunikasiya və multiservis xidmətləri göstərir.

BTRİB-in strukturuna 7 Avtomat Telefon qovşağı, Bakı Kabel Qovşağı, Bakİnternet və AzEvroTel dövlət provaydreləri və digər rabitə qurumları daxildir.

Xeberler.az