Bu e-xidmətə 10 milyona yaxın müraciət olub

15-08-2017 / 15:12

Əmək və Əhalinin Sosial Müdafiəsi Nazirliyinin Əmək Müqaviləsi Bildirişi üzrə Elektron İnformasiya Sisteminə cari ilin iyul ayında ötən ilin müvafiq  dövrünə nisbətən 28,2 faiz (46,6 min müraciət) çox, yəni 212 020 dəfə müraciət edilib.

Bu barədə Xeberler.az-a Nazirlikdən məlumat  verilib.

Qeyd edilib ki, onlardan 167 898 müraciət “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə yönəlib.

Bu e-xidmət işəgötürənlərə işçilərlə bağladıqları əmək müqavilələrini, müqaviləyə dəyişiklikləri və ya xitam verilməsini müvafiq bildiriş formasında sistemdə qeydiyyatdan keçirərək rəsmiləşdirməyə xidmət edir. Müraciətlərin 17 687-si “Əmək müqaviləsi bildirişləri barədə məlumatların işçilər tərəfindən əldə edilməsi”, qalan hissəsi isə “İş yerinə dair arayış” e-xidmətinə aid olub. Bu e-xidmətlər isə işçilərə onlarla əlaqədar sistemə daxil edilən bildirişlər barədə məlumat öyrənmək, habelə öz iş yerləri barədə elektron qaydada arayış əldə etmək imkanı verir.

Əmək Müqaviləsi Bildirişi üzrə Elektron İnformasiya Sistemi ölkəmizin sosial-iqtisadi münasibətlər sisteminin mühüm elementi olaraq, əmək münasibətlərinin və bu münasibətlərdə baş verən dəyişikliklərin elektron müstəvidə rəsmiləşdirilərək şəffaflaşdırılmasına xidmət edir. Bununla işçi və işəgötürənlərin əmək münasibətləri sahəsində hüquqlarının əsaslı təminat vasitəsi olan həmin sistem eyni zamanda əmək bazarına nəzarətin çevik və səmərəli təşkilinə, əmək münasibətlərinin dolğun və obyektiv uçotunun aparılmasına şərait yaradıb.

Mötəbər bynəlxalq qurumların müasir dünyanın qabaqcıl təcrübələrindən biri kimi dəyərləndirdiyi, BMT-nin ixtisaslaşdırılmış qurumu olan Beynəlxalq Telekommunikasiya İttifaqının “Çempion layihə” mükafatına layiq görülən bu sistem eyni zamanda “Elektron hökumət” portalında geniş istifadəçi auditoriyası ilə seçilir. Belə ki, tətbiqinə başlanıldığı 2014-cü ilin iyul ayından bəri  Əmək Müqaviləsi Bildirişi üzrə Elektron İnformasiya Sisteminə müraciətlərin sayı 9 milyon 80 mini ötüb. Bu da ötən dövrdə “E-hökumət” portalına müraciətlərin 17,5 faizini təşkil edir.

Günel 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə