Bu ölkə məlumat itkisinin sayına görə liderdir

23-09-2016 / 14:53

InfoWatch informasiya təhlükəsizliyinin təmini üzrə həllər istehsalçısının məlumatına əsasən, 2016-cı ildə dünya miqyasında ələ keçirilmiş fərdi məlumatların sayı iki dəfə artıb.

Xeberler.az RYTN-in elektron xəbər xidmətinə istinadən məlumat verir ki, ekspertlərin hesablamalarına görə, 2016-cı ilin birinci yarısında məxfi informasiya itkilərinin sayı ötən ilin müvafiq dövrü ilə müqayisədə 16% artıb. Altı ay ərzində 1 milyarddan çox fərdi məlumat ələ keçirilib ki, bu da ötənilki nəticəni ötür.

ABŞ məlumat itkisinin sayına görə liderdir: 2016-cı ilin yanvar-iyununda 451 belə hadisə qeydə alınıb ki, bu da fərdi məlumat itkisinin ümumi sayının 54%-i deməkdir. 110 məlumat itkisi qeydə alınmış Rusiya ikinci pillədə qərarlaşıb. Sonrakı, üçüncü pillədə Böyük Britaniya (39 məlumat itkisi) qərarlaşıb.

InfoWatch şirkətinin araşdırmasına əsasən, məlumat itkisinin 66%-i daxili səbəblər üzündən olub. Məlumat itkisinin 33%-i kənar hücumlar səbəbindən qeydə alınıb, amma belə hücumlardan dəymiş zərərin həcmi əvvəlki kimi yüksək qiymətləndirilir.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə