Hazırda proqramçıların 70 faizi öz işində JavaScript-dən istifadə edir. Buna görə də proqramlaşdırmanın əsaslarının öyrənilməsinə məhz bu proqramlaşdırma dilindən başlamaq tövsiyə edilir.
Xeberler.az xarici mediaya istinadən məlumat verir ki, Google-un daxili inkubatoru Area 120 bu məqsədlə Grasshopper proqramını istifadəyə verib.
Uğurla sınaqdan keçirilmiş ideya olduqca sadədir. Proqram istifadəçiyə mini oyunlar oynamağı və bilməcələri həll etməyi təklif edərək, proqramçı kimi düşünməyi öyrədir. İstifadəçi dərsləri ardıcıllıqla öyrəndikcə onun qarşısında daha mürəkkəb məsələlər qoyulur.
Proqram hər bir dərsdə yeni əmrlər və alətlərin tətbiqinin xüsusiyyətlərini aydınlaşdırır, sonra onlardan istifadə üçün bir neçə məsələ yaradır. Məsələn, hədəf Fransanın bayrağını – müxtəlif rənglərdə üç bərabər sahənin təsvirini çəkməkdir. İstifadəçiyə son nəticə göstərilir və redaktor işə salınır ki, burada tapşırığı yerinə yetirmək üçün kod bloklarını manipulyasiya etmək lazımdır.
Proqramda, həmçinin mürəkkəb sistemlər, animasiya və D3 kitabxanasının (məlumatların emalı və vizualizasiyası üçün JavaScript kitabxanası) mənimsənilməsi ilə bağlı dərslər təqdim edilir. İstifadəçinin irəliləməsi qeydə alınır, onun həvəsləndirilməsi üçün reytinq cədvəlində tutduğu yer göstərilir. Gələcəkdə dərslərin miqdarı və çətinlik səviyyəsinin artırılacağı bildirilib.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri