Daha bir xidmət “Elektron hökumət” portalına inteqrasiya olundu

24-06-2015 / 10:00

“Elektron hökumət” portalına yeni elektron xidmət inteqrasiya olunub.

Xeberler.az-ın məlumatına görə, Dövlət Sosial Müdafiə Fondunun (DSMF) “Dövlət sosial sığorta şəhadətnaməsinin dəyişdirilməsi və ya dublikatının verilməsi üçün müraciətin qəbulu” elektron xidməti portal üzərindən istifadəyə verilib.

Bu xidmət vasitəsilə dövlət sosial sığorta şəhadətnaməsinin dəyişdirilməsi və ya dublikatının verilməsi üçün DSMF-nın departamentləri, rayon şöbələri, Naxçıvan Muxtar Respublikası DSMF-nın rayon şöbələrinə müraciət edilir.

Fiziki və hüquqi şəxslər üçün nəzərdə tutulan interaktiv növlü e-xidmət ödənişsiz həyata keçirilir.

Sözügedən elektron xidmətin “Elektron hökumət” portalına inteqrasiya olunması ilə portalda təqdim olunan xidmətlərin sayı 421-ə, DSMF-nın portaldakı xidmətlərinin sayı isə 13-ə çatıb.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə