“Gələn il daha iki ASAN xidmət mərkəzi istifadəyə veriləcək. Həmin mərkəzlər Qəbələ və Masallı rayonlarında açılacaq”.
Xeberler.az Report-a istinadən bildirir ki, bunu ASAN Könüllülərinin II Ümumrespublika Forumunda Azərbaycan Prezidenti Administrasiyasının Hüquq-mühafizə orqanları ilə iş üzrə şöbəsinin müdiri Fuad Ələsgərov deyib.
O bildirib ki, ASAN xidmət konsepsiyası çox qısa müddətə uğurları ilə özünü doğruldub: "Bu uğurlar həm ölkə vətəndaşları tərəfindən, həm də beynəlxalq səviyyədə göstərilən münasibətdə özünü göstərir. Bu gün Azərbaycanda 9 ASAN xidmət mərkəzi fəaliyyət göstərir. ASAN xidmət mərkəzlərinin olmadığı rayonlarda Səyyar ASAN xidmət fəaliyyət göstərir. Bu xidmət tərəfindən bu günə qədər 350 mindən artıq əhaliyə xidmət göstərilib. Bu müddətdə ASAN xidmətin yeniliklərindən biri də "ASAN Könüllüləri"lə bağlı olub. Bu müddət ərzində 6 min gənc könüllülər məktəbindən keçib. Onlardan 650 könüllü ASAN xidmət mərkəzlərində öz fəaliyyətlərini davam etdirir. Qazanılan təcrübələr sayəsində 529 könüllü dövlət orqanlarında işlə təmin olunub. Onlar əsasən Ədliyyə, Daxili İşlər, Vergilər nazirliklərində, bank və sığorta şirkətlərində işlə təmin ediliblər”, - Fuad Ələsgərov bildirib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri