AZNET

Məlumat verdiyimiz kimi, bir müddət öncə Delta Telecom yeni xidmət istifadəyə verib.

Belə ki, bu xidmət vasitəsilə hər bir provayderin internet trafikindən (Delta Telecom-dan aldığı internet tutumundan) istifadə vəziyyətini onlayn olaraq müşahidə etmək mümkün olub. Əvvəllər isə yalnız  provaydrelərin bu şirkətdən aldığı bütöv internet trafikinin həcmini görmək olurdu.

Qeyd etdiyimiz kimi, bir müddət öncə təqdim olunan xidmət nəticəsində Delta Telcom-un öz saytında yerləşdirdiyi qrafik vasitəsilə hər bir provayderin sutka ərzində həm daxil olan, həm də çıxış trafiki haqqında məlumatları yerləşdirilib.

Xeberler.az-ın məlumatına görə, Delta Telecom bir neçə gün öncə bu xidmətinə daha bir yenilik edib. Belə ki, sutkalıq onlayn olaraq təqdim olunan statistikada artıq hər provayderin internet trafikindən  həftəlik və aylıq istifadə vəziyyəti də yerləşdirilib.

Xidmətdən istiafdə edənlər  öz provayderlərinin, həmçinin də digərlərinin trafikinin həftəlik və aylıq tələbatına uyğunluğunu asanlıqla yoxlamaq olur.

Qrafikdən görünür ki, ay ərzində əksər  provayderlərin trafiki sutkanın axşam saat 21-23 radələrində, istifadəçilərin internetdən ən çox istifadə etdiyi məqamlarda müştərilərinin tələbatına yetərincə cavab verməyib.

Belə ki, həmin saatlarda bu provyderlərin trafikində sıxlıq, dolub –daşma  yaranıb.

Həmin saatlarda adı çəkilən provayderlərdə yüklənmə yüksək həddə- 80% - 99.9% ətrafında, bəzilərində isə hətta 100% olub.   Bu, bu o deməkdir ki,  bu provayderlərin müştərilərinin qeyd olunan zamanda internetdən  normal istifadəsi mümkün olmayıb.  Yəni, bu provayderlər öz müştəriləri ilə bağladıqları müqavilələrdə nəzərdə tutulan sürəti həmin saatlarda  müştərilərə təqdim etmək gücündə olmayıblar.

Qeyd etdiyimiz kimi, ölkədə internetin keyfiyyətində müəyyən problemlər olduğu bir zamanda  bu xidmət  istifadəçilərə və digər aidiyyatı qurumlara , vətəndaş cəmiyyətinə provayderlərin fəaliyyətinə ictimai nəzarəti həyata keçirmək üçün əlavə imkanlar yaradır.

Xidmətdən istifadə etmək üçün Delta Telecom-un saytında Müştəri Xidməti bölməsindən Statistika menyusunu seçmək lazımdır.

Məltəm Talıbzadə