E - HÖKUMƏT

Bir müddət öncə məlumat verilmişdi ki, Dövlət İmtahan Mərkəzinin yeni rəsmi saytı, eləcə də Facebook səhifəsi istifadəyə veriləcək.

Bununla yanaşı, hər iki qurumun fəaliyyəti barədə bütün keçidlərin saytda və səhifədə yerləşdiriləcəyi qeyd edilmişdi.

Qurumun ilkin versiyada saytı artıq istifadəyə verilib.

Xeberler. az olaraq daim bu məsələni diqqətdə saxlayır və oxucularımıza ətraflı məlumat təqdim edirik.

Bir müddət əvvəl məlumat verilmişdi ki, hələ DİM Ədliyyə Nazirliyində rəsmi qeydiyyatdan keçməyib. Ona görə də də saytların tam fəaliyyətə başlaması da gecikir. Məlumata qeyd edilirdi ki, Ədliyyə Nazirliyi DİM-i rəsmi qeydiyyata aldıqdan sonra TQDK ləğv olunacaq və DİM yaradılacaq. DİM qeydiyyata alınmadığı üçün nəzərdə tutulan yeniliklər təqdim edilməyib.

Məsələ ilə yenidən maraqlandıq.

DİM-in mətbuat xidmətindən Xeberler.az-a verilən məlumata görə, qurumun ilkin versiyada təqdim edilən dim.gov.az saytının yaradılması istiqamətində işlər davam etdirilir.

Qeyd edilib ki, hələlik bütün işlər TQDK-nın sistemi üzərindən davam etdirilir. Məlumata görə, hazırda saytlara məlumatların daxil edilməsi üzərində işlər davam edir.

Saytın tam hazır olmasına gəlincə isə qurumudan bildirilib ki, məlumatların sayta daxil edilməsinin yekunlaşması haqda konkret tarix demək hələlik tezdir.

Hazırda sənədlərin, strukturun bir-birinə uyğunlaşdırılması davam edir.

Qeyd edək ki, bununla bağlı qurum 3 domeni- dim.gov.az, dovletimtahanmerkezi.com və imtahanmerkezi.com -u satın alıb.

Qeyd edilir ki, sayt ən müasir standartlara cavab verəcək.

 Bununla yanaşı, saytın mobil tətbiqlərinin hazırlanacağı da bildirilmişdi.  Məlumatımıza görə, ilkin versiyada yalnız saytların yaradılması nəzərdə tutulub.

Məltəm Talıbzadə