Dövlət xidmətləri üçün vahid Zəng mərkəzi yaradılır

16-09-2015 / 11:55

Rabitə və Yüksək Texnologiyalar Nazirliyinin Məlumat Hesablama Mərkəzi (MHM) vətəndaşların onları maraqlandıran məsələlər üzrə zənglərinin birbaşa dövlət qurumlarının Zəng (Çağrı) mərkəzlərinə yönləndirilməsi üçün sistem yaradır.

Bu barədə Xeberler.az-a MHM-dən məlumat verilib.

Yaxın vaxtlarda istismara veriləcək yeni sistem "157" qısa nömrəsinə daxil olan zənglərin yönləndirilməsini həyata keçirməyə imkan verəcək. "157" Zəng mərkəzi "Elektron Hökumət" portalında olan xidmətlər, elektron imza, portal üzərindən vətəndaşlara təqdim olunan onlayn konsultasiya xidməti, azdata.com internet provayderi, internet, easypay və apus sistemi vasitəsilə ödəmələr, poçt şöbələrində aparılan ödənişlər və sair barədə vətəndaşların müraciətlərini qəbul edir.

Son bir ilin statistikasına görə, 157 zəng mərkəzinə daxil olmuş zənglərin sayı 84677–dir. Cəmi 4 aydır istifadəyə verilən onlayn konsultasiyaya olan müraciətlərin sayı isə 11144-dən artıqdır. Bundan başqa, cağrı mərkəzinin [email protected] elektron poçtuna yazılmış 25000-ə qədər, skype vasitəsilə isə 4000 müraciətə cavab verilib.

 

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə